Foto: Ashyq derekkóz
Oqý ortalyǵynyń málimetinshe, UP LA 161 úlgisindegi áýe kemesi olarǵa tıesili emes, tek saqtaý úshin aerodrom aýmaǵynda ornalasqan. Ushaqtyń naqty ıesi — A.K. Kasenov esimdi jeke tulǵa.
«Apatqa ushyraǵan ushaq bizdiń balansymyzda joq jáne ony ortalyq eshqashan paıdalanbaǵan. Ol tek kelisim boıynsha bizdiń alańda saqtaýly turǵan», delingen málimdemede.
Aıta keteıik, ushý pılottyń jeke sheshimimen júzege asqan. Ol reıske daıyndyqty, brıfıng pen ótinim rásimin ózi júrgizgen, al bul ushý oqý ortalyǵynyń oqý prosesine eshqandaı qatysy bolmaǵan.
Ushaqta bolǵan ekinshi adam ortalyqtyń qyzmetkeri bolǵan. Alaıda, ol bul reıske qyzmettik tapsyrmamen emes, jeke bastamasymen qatysqany habarlandy.
«Ushý ushaq ıesiniń bastamasymen júzege asyryldy jáne bizdiń kompanııanyń operasııalyq qyzmetine qatysy joq. Qaza tapqandardyń jaqyndaryna qaıǵyryp, shyn júrekten kóńil aıtamyz», dedi ortalyq ókilderi.
Esterińizge sala keteıik, oqıǵa 22 maýsym kúni oqý-jattyǵý maqsatynda jasalǵan reıs kezinde bolǵan. Ushaqtaǵy eki adamnyń ekeýi de oqıǵa ornynda qaza tapqan. Qazir Kólik mınıstrligi arnaıy komıssııa quryp, apattyń sebepterin anyqtap jatyr.
