Rýhanııat • 26 Maýsym, 2019
Saıyn dala Saryarqanyń bir búıirinde jatqan Qarqaralynyń ult tarıhyndaǵy aıryqsha orny týraly az jazylǵan joq. Ǵajaıyp tabıǵaty qandaı kórkem bolsa, Qarqaralynyń tarıhı tulǵalarynyń da taǵdyry kúrdeli bolyp qalyptasty. Sondaı asyldan týǵan arda azamat, alashtyń aıboz uly Amanbaı Shegirov jaıly áńgime órbitpekpiz. Ǵasyr basyndaǵy dilgir mamandyq dárigerliktiń oqýyn oqyp, týǵan halqynyń dertine shıpa izdegen abzal jan, sanaly ǵumyryn san alýan aýrý-syrqattyń janynda ótkizgen, osynaý uly kásibin ólgenshe súıip ótken esil er jaıly qansha aıtyp jazsaq ta, artyq bolmaıdy.
Álem • 26 Maýsym, 2019
Mamyrajaı maýsym týa ózen-toǵan, kól-kólshik, qamys-qopa ishi úırek-qazǵa tolyp, joǵary-tómen sympyldap ushqan qustardyń jármeńkesine aınalatyn ásem kórinisi bar ǵoı! Parıj túbindegi Le Býrje áýe salonynda ótken 53-halyqaralyq áýe shoýynyń ortasynan bir-aq shyqqan bizdiń sap túzegen sansyz ushaqty kórgende kóz aldymyzǵa kelip tura qalǵan kórinis te osy ispetti edi. Qustardyń da óz ishinde aqqý sııaqty beıbit ám ilip túsetin ıtelgi, qarshyǵa tárizdi jyrtqysh túrleriniń bolatyny syqyldy, eki jylda bir márte uıymdastyrylatyn Le Býrje áýe salonyndaǵy ParisAirShow kórmesinde de jolaýshylar men júk tasymaldaıtyn azamattyq jáne óndiristik avıasııadan bastap, áskerı maqsatqa arnalǵan áýe kemelerine deıin samsap tur eken. Kermege baılanǵan attaı qatar-qatar qoıylǵan ushaqtardyń áskerı túrlerin syrttaı tamashalasaq, alyp samuryqtaı azamattyq jáne óndiristik avıasııanyń sony úlgilerin salonyna, tipti, ushqyshtar kabınasyna deıin emin-erkin kórýge múmkindik týdy. Fransııa astanasy janyndaǵy Le Býrje áýe salonyna álemniń 300-den astam áýe kompanııasy qatysyp, ónimderimen de, qyzmetimen de jahandyq básekede óz orny bar ekenin kórsetti.
Aımaqtar • 26 Maýsym, 2019
«Qaıǵy – bólisse azaıady». Bul kúnde Túrkistan oblysynyń Arys qalasynda ornalasqan áskerı oq-dári qoımasyndaǵy alapat jarylystan zardap shekken turǵyndarǵa kómek kórsetý maqsatynda «Arys, biz birgemiz!» atty kómek kórsetý is-sharasyna elimizdiń barlyq óńirleri men kásiporyndary, mekemeleri, qoǵamdyq uıymdary jáne basqa da jekelegen tulǵalary qatysyp, qoldarynan kelgenshe arystyqtarǵa qoldaý kórsetýde. Bul qazaqstandyqtardyń kez kelgen qıyndyqta judyryqtaı jumylyp, toptasa túsetinin ańǵartty. Eldigimizdi tanytqan erekshe izgilikti is-sharalardyń óńirlerdegi barysy jóninde tilshilerimiz baıandaıdy.
Aımaqtar • 26 Maýsym, 2019
Áskerı qoımada bolǵan jarylystarǵa baılanysty shuǵyl túrde kóshirilgen arystyqtarǵa jol-jónekeı kómek qolyn sozýshylar kóp boldy. Jalpy, Arystaǵy jaǵdaı qazaqylyqtyń qaımaǵy buzylmaǵan deıtin Ońtústiktegi aǵaıynnyń yntymaǵyn, qıyn kezde qolushyn soza biletin janashyr ekendigin taǵy bir baıqatty. Jazdyń ystyq kúninde bas saýǵalap ketken turǵyndardyń aldarynan kórshi aýdan, aýyldyń turǵyndary sý, tamaq alyp shyǵyp, kútip alsa, biri kóligine mingizip alyp ketip jatty. Beıtanys jandardy úıine alyp baryp, qondyryp jatqandar qanshama. Muny sol zardap shekken turǵyndardyń ózderi aıtyp otyr.
Suhbat • 25 Maýsym, 2019
Bizdi tarıhtyń súrleýi biriktire túsedi
(Mońǵolııanyń tuńǵysh prezıdenti, akademık Pýnsalmaa OChIRBATPEN áńgime)
