Memleket basshysy Nursultan Nazarbaev «Djeneral Elektrık Oıl end Gaz» kompanııasynyń bas atqarýshy dırektory Lorenzo Sımonellımen Shetel ınvestorlary keńesi aıasynda kezdesý ótkizdi, dep habarlady Prezıdenttiń baspasóz qyzmeti.
Kezdesý barysynda kompanııanyń Qazaqstandaǵy qyzmetiniń ózekti máseleleri, sondaı-aq, jańǵyrtý salasyndaǵy odan ári yntymaqtastyq pen otandyq lokomotıv qurylysyn damytý perspektıvalary talqylandy.
Memleket basshysy ózara yqpaldastyq kezeńinde birlesken jobalardyń tıimdi júzege asqanyn atap ótip, Shetel ınvestorlary keńesiniń kezekti otyrysyna qatysqany úshin L.Sımonellıge alǵys bildirdi.
Nursultan Nazarbaev Qazaqstannyń bul kompanııamen densaýlyq saqtaý isindegi tabysty yntymaqtastyǵyna da nazar aýdaryp, osy saladaǵy seriktesti keńeıtýdiń mańyzdylyǵyn atap ótti.
L.Sımonellı Qazaqstan Prezıdentine qabyldaýy úshin alǵys aıtyp, qurylyp jatqan «Astana» halyqaralyq qarjy ortalyǵy aıasynda belgilengen josparlardyń tıimdi júzege asyrylýyna tilektestigin bildirdi.