Washington Post EO-dan shyǵý táýekeli joǵary 5 eldi atady

www.newyorker.com

Washington Post gazeti Eýroodaq elderi qataryndaǵy endi odan shyǵýdyń táýekeli joǵary 5 yqtımal memlekettiń attaryn atady. Basylymnyń jazýynsha, Brexit Eýropa birlestigindegi taǵy da birqatar elderdiń sheshýshi qadamǵa barýlaryna aparyp soqtyrýlary múmkin. Amerıka baspasózi Brexit Eýroodaqqa etetin áserleri qandaı bolýy múmkin ekenine taldaý jasaıdy. Biraqatar sarapshylar munyń birlestik ydyraýynyń basýy bolatynyn boljaıdy. Osyǵan oraı kelesi kezekte osyndaı qadamǵa baratyn elderdiń kimder bolatynyn atap ótedi. Basylym aldyńǵy 5 eldiń kóshin Shvesııa bastaıdy degen senimde. О́zin «Ulybrıtanııanyń skandınav úlgisindegi ekvıvalenti» sanaıtyn eldiń odaqtan shyqqysy kelip júrgenine biraz boldy. Shvedter qashannan táýelsizdikti qalaıdy. Olar sondyqtan, mysaly, eýroǵa kóshýden bas tartty. Mundaǵy halyqtyń basym bóliginiń kózqarastary brıtanııalyqtar oılarymen úndesedi. Táýekeldiń qaıyǵyna mingeli turǵan elderdiń ekinshisi – Danııa. Ol ótken jylǵy referendýmynda Brıýsselge beriletin quqyqtar qataryn kemitip tastaǵan. Dattar sondaı-aq ózderiniń shaǵyn jerlerine mıgranttardyń qaptap kelýlerine úzildi-kesildi qarsy. Budan ári tizimge Grekııa keledi. Qazir tereń daǵdarys jaǵdaıynda otyrǵan eldi EO-men baılanystyryp turǵan jalǵyz jalǵaý onyń bul jaqtan kómekke aqsha alýǵa májbúrligi ǵana bolyp tur. Eýroodaqtyń qabyrǵasyn qaqyratýǵa Vengrııa da daıyn. Onyń premeri Vıktor Orban óziniń Brıýsselge táýelsiz emes ekenin kórsetýge qumar. Bul el de referendým ótkizý týraly sóz qozǵap qaldy. Aqyr sońynda – Fransııa. Bul EO-ǵa tıgen eń aýyr soqqy bolar edi. Odaqtyń úsh kıtiniń biri sanalyp kelgen memleket kete qalsa, bir ózine Ulybrıtanııa men Fransııanyń ornyn jabýǵa týra keletin Germanııaǵa tipti qıyn bolady. Al qazirgi saýalnamalar deregine sensek, el jurtynyń 61 apıyzy Eýroodaq ustanyp otyrǵan saıasatqa razy emes. Ásirese, el qıyn ekonomıkalyq jaǵdaıda otyrǵan búgingi kúni bul anyq baıqalady. Ońshyldar partııasynyń lıderi Marın Le Pen Brıtanııa sheshimine qatty qýanǵandardyń biri boldy. Ol óz elinde de Brexit ótkizýdi usynyp otyr. Fransýz depýtaty Eýroodaqty qaıta qurýdy, oǵan Reseıdi kirgizýdi usynýda. Murat AITQOJA.