Fýtboldan álem chempıonatynyń toptyq kezeńindegi eń tartysty matchtardyń biri ótti. L tobyndaǵy alǵashqy týrda Anglııa quramasy Horvatııany 4:2 esebimen jeńip, týrnırdi sátti bastady, dep habarlaıdy Egemen.kz.
Alǵashqy taımnyń ózinde tórt gol soǵylyp, jankúıerler shabýylǵa toly oıynnyń kýási boldy.
Esepti 12-mınýtta penaltıden Harrı Keın ashty. Aǵylshyn shabýylshysy alǵashqy áreketinde qaqpashydan óte almady. Alaıda tóreshi qaqpashynyń syzyqtan erte shyqqanyn anyqtap, penaltıdi qaıta oryndatty. Keın ekinshi múmkindigin múlt jibergen joq.
36-mınýtta Martın Batýrına alystan tepken tamasha soqqysymen esepti teńestirdi. Degenmen úziliske deıin Keın buryshtamadan kóterilgen pasty baspen qaqpaǵa dál baǵyttap, aǵylshyndardy qaıta alǵa shyǵardy.
Birinshi taımnyń qosymsha ýaqytynda horvattar taǵy da tarazy basyn teńestirdi. Qurama shabýylshysy Petar Mýsa Ivan Perıshıch pen Marıo Pashalıch uıymdastyrǵan ádemi kombınasııany sátti aıaqtady.
Ronaldý gol soǵa almady: Portýgalııa men Kongo teń tústi
Ekinshi taım bastalǵannan keıin nebári eki mınýt ótkende Djýd Bellıngem Anglııany taǵy da alǵa shyǵardy. Al oıynǵa qosalqy quramnan shyqqan Markýs Reshford qarsy shabýyldy nátıjeli aıaqtap, matchtyń núktesin qoıdy.
Tomas Týhel jattyqtyratyn Anglııa quramasy match boıy aıqyn basymdyq tanytyp, kóptegen qaýipti shabýyldar uıymdastyrdy. Horvatııa qaqpashysy Domınık Lıvakovıch birneshe márte komandasyn goldan qutqarǵanymen, jeńilisten arashalaı almady.
Osylaısha Anglııa álem chempıonatyn senimdi jeńispen bastap, toptaǵy mańyzdy úsh upaıǵa qol jetkizdi. Al Harrı Keın álem chempıonattaryndaǵy goldar sanyn 10-ǵa jetkizip, týrnır tarıhyndaǵy úzdik surmergender qataryndaǵy ornyn saqtap qaldy.
Aıta keteıik, match aldynda Anglııa quramasynda ózgeris boldy. Qorǵaýshy Valentıno Lıvramentonyń jaraqatyna baılanysty onyń ornyna ulttyq qurama tizimine Trevo Chaloba qosyldy.
Eske sala keteıik, 24 maýsym saǵat 01:00-de Anglııa quramasy Ganamen kezdesedi. Al sol kúni saǵat 04:00-de Horvatııa Panama quramasymen oıyn ótkizedi.