Arqa óńiriniń ahýalymen tanysty

Keshe Premer-Mınıstr Kárim Másimov Qaraǵandy oblysyna jumys saparymen keldi. Úkimet basshysynyń janynda Bilim jáne ǵylym mınıstri Erlan Saǵadıev, Densaýlyq saqtaý jáne áleýmettik damý mınıstri Tamara Dúısenova, sondaı-aq, Investısııalar jáne damý mınıstri Jeńis Qasymbek erip júrdi. Premer-Mınıstrdi Qara­ǵan­dy áýejaıynda oblys ákimi Nur­muhambet Ábdibekov pen Qaraǵandy qalasynyń ákimi Nurlan Áýbákirov qarsy aldy. Premer-Mınıstr birden shekaralyq jáne kedendik baqylaý aımaqtary ornalasqan halyqaralyq ushý zaldaryn kórip, aerovokzal kesheniniń kútý zalyna bardy. Osy jerde Úkimet basshysyna qala áýejaıynyń, temirjol vokzalynyń jáne avtovokzaldyń qaýipsizdigin qamtamasyz etý jaıy baıandaldy. Budan keıin Premer-Mınıstr Qaraǵandy oblysyna jumys sapary aıasynda óńirde túıneme aý­rýy­nyń tirkelýi jaǵdaıyna baılanys­ty keńes ótkizdi. Jıyn barysynda qolǵa alynyp jatqan sharalar týraly oblys ákimi Nurmuhambet Ábdibekov, Qazaqstannyń bas sanıtarlyq dárigeri Jandarbek Bekshın, Aýyl sharýashylyǵy vıse-mınıstri Gúlmıra Isaeva, Densaýlyq saqtaý jáne áleýmettik damý mınıstri Tamara Dúısenova, sonymen qatar, Ishki ister vıse-mınıstri Iýrıı Ilın baıandama jasady. Keńesti qorytyndylaǵan Úki­met basshysy birqatar naqty tapsyrma berdi. Aýyl sharýashylyǵy mınıstrligine veterınarlyq qyzmetter jumysynyń tıim­di­ligine taldaý jasaý, vaksına sapasyna saraptama júrgizý tapsy­ryl­dy. Mal qorymdarynyń kúıi tý­raly máseleni Úkimettiń selek­torlyq otyrysynyń kún tártibine jeke shyǵarý uıǵaryldy. Al Densaýlyq saqtaý jáne áleý­mettik damý mınıstrligine Pre­mer-Mınıstr túıneme der­tine shaldyqqan naýqastarǵa kór­setilgen medısınalyq qyzmet­terdiń sapasyn tekserýdi jáne budan bylaı mundaı jaǵdaılarǵa jol bermeý úshin qatań sharalar qabyldaýdy tapsyrdy. Sondaı-aq, Qaraǵandy oblysynyń ákimine óńirdegi profılaktıkalyq jáne epıdemııaǵa qarsy sharalar keshenin qabyldaý tapsyrylsa, Ishki ister mınıstrligine atalǵan fakt boıynsha tergeýdi aıaǵyna deıin jetkizý júkteldi. Sapar barysynda Kárim Másimov bastaǵan delegasııa qaladaǵy bir­qatar áleýmettik nysandardy aralady. Premer-Mınıstr Qara­ǵandy oblysyndaǵy bilim berýdi damy­tý baǵdarlamasynyń iske asy­rylý barysymen tanysty. Bul týraly Úkimet basshysyna ob­lys ákiminiń birinshi orynbasary Asylbek Dúısebaev baıandady. Qaraǵandy oblysynda bilim berý nysandarynyń qurylystary qarqyndy júrgizilýde. Mysaly, bıylǵy jyldyń basynda Buqar jyraý aýdanynda 464 oqýshyǵa ar­nalǵan mektep paıdalanýǵa berilse, Jańaarqa aýdanynda 150 oryndyq mektep qurylysy jyl­dyń sońyna deıin aıaqtalýǵa tıis dep josparlanǵan. Jalpy, sońǵy úsh jylda óńir boıynsha mektep jasyna deıingi 3 myń balany qamtıtyn áleýmettik nysandar ashylǵan. Degenmen, aldaǵy jyldary oblysta toǵyz mektep pen 34 balabaqsha salýǵa degen qajettilik bar. Úkimet basshysy Qara­ǵan­dy­daǵy jańadan salynyp jatqan «Januıa» turǵyn úı kesheninde bolyp, qurylys barysymen tanys­ty. Sonymen qatar, ol Qaraǵandy mem­lekettik tehnıkalyq ýnıver­sı­tetine baryp, memlekettik ın­dýstrııalyq-ınnovasııalyq da­mý baǵdarlamasynyń ekinshi bes­jyldyǵyna arnalǵan mamandardy daıarlaý boıynsha júrgizilip jatqan oqý úderisimen tanysty. Innovasııalyq tehnologııalar zerthanasyndaǵy ınnovasııalyq jobalar kórmesin tamashalady. Úkimet basshysynyń sodan keıin atshaldyrǵan nysany Qa­ra­ǵandy qalasynyń ortalyǵynda or­nalasqan turǵyndarǵa qyzmet kór­setý ortalyǵy boldy. Bul jerde Premer-Mınıstr «Azamattarǵa ar­nalǵan Úkimet» Memlekettik kor­porasııasy» UAQ-tyń synamaly tórt jobasynyń tusaýkeserine qatysty. Tústen keıin Kárim Másimov Temirtaý qalasyna baryp, bir­qatar óndiris oryndarynda boldy, sonan keıin jumys saparyn qory­tyndylaǵan jıyn ótkizdi. «Arse­lorMıttal Temirtaý» kompa­nııasynda bolǵanynda Premer-Mınıstr kásiporyn basshy­lary­nyń aldyna birqatar mindetter qoıdy. K.Másimov taý-ken metal­­lýrgııa salasy Qazaqstan eko­no­mıkasyndaǵy júıe quraýshy­lardyń biri bolyp tabylatynyn atap ótti. Sondaı-aq, ol jalpy al­ǵanda sońǵy ýaqytta ilgeri jyl­jý­dyń oń pishini baıqalǵanyn aıtty. Budan bólek, kásiporyndarmen qatar, memlekettik organdardyń nazaryn talap etetin máseleler de kún tártibinde tur. Úkimet basshysynyń aıtýynsha, bul máselede kóp nárse kompanııalardyń ózine baılanys­ty, olar óz ujymdarynyń aldynda jaýapkershilikti ótkir sezinýleri tıis. Osyǵan baılanysty jaýapty kásiporyndarǵa jumys oryndaryn saqtaý jáne arttyrý boıynsha qoldan kelgen barlyq sharany qoldaný qajettigi atap kórsetildi. Budan ózge, Premer-Mınıstr kompanııalardy ımportty almastyrý úshin óndiriletin taýarlar jelisin arttyrýdaǵy óz múmkindikterin qaıta qaraýǵa shaqyrdy. Qaırat ÁBILDINOV, «Egemen Qazaqstan» Qaraǵandy oblysy