[caption id="attachment_48949" align="aligncenter" width="560"] Foto: today.kz[/caption]
RIA «Novostı» aqparat agenttiginiń habarlaýynsha, Italııanyń Rım qalasynda áıgili komedııa akteri, prodıýser, ssenarıst, sportshy Bad Spenser 86 jasynda qaıtys boldy.
Akterdiń kınematografııada «spagettı-vestern» fılmindegi Terens Hıllmen birigip somdaǵan róli arqyly ataǵy dúnıe júzine taraǵan. Málimetterge sáıkes, ol bul salaǵa eseıgen shaǵynda kelgen. Al jas kúninde sportshylardyń biri bolǵan. Italııanyń sýda júzý sport túrinen kroldi jáne erkin stılde chempıon atanǵan.
Bad Spenser saıasatpen de aınalyspaq bolǵan eken. Biraq bári sátsiz aıaqtalǵan.
«Ákem qaıtys bolar kezinde aýyrsynýdy bilmedi. Biz onyń aqtyq demi taýsylǵansha janynda boldyq. Onyń sońǵy sózinde aınalasyndaǵylarǵa alǵysyn aıtyp ketti», – dedi onyń úlken uly Djýzeppe Pedersolı.
Aıan ÁBDÝÁLI.