Elimizde 2026 jyldyń bes aıynda 3 myńnan astam esirtkige qatysty quqyqbuzýshylyqtyń joly kesildi. Bul týraly Ishki ister mınıstrligi málimdedi, dep habarlaıdy Egemen.kz.
Vedomstvonyń málimetinshe, atalǵan kezeńde shamamen 1,5 myń esirtki qylmysy tirkelgen. Sondaı-aq alty uıymdasqan qylmystyq toptyń, onyń ishinde bir transulttyq qylmystyq toptyń qyzmeti toqtatylǵan.
«Quqyq qorǵaý organdary 12 sıntetıkalyq esirtki zerthanasyn jáne 42 fıtozerthanany joıdy. Budan bólek, zańsyz esirtki aınalymyna qatysy bar 12 myńǵa jýyq ınternet-resýrs buǵattaýǵa jiberildi. IIM men Ulttyq bank birlesip esirtki bıznesiniń qarjylyq arnalaryna da tosqaýyl qoıylyp jatyr. Nátıjesinde 107 mıllıon teńgeden astam kúmándi qarjy aýdarymy toqtatylyp, 125 myńǵa jýyq sheteldik tólem kartasy buǵattaldy. Sonymen qatar 20 myń krıptoámııanǵa qatysty tekserý júrgizilip jatyr», dedi IIM esirtki qylmysyna qarsy is-qımyl komıteti tóraǵasynyń orynbasary Eldar Ábdikenov.
Mınıstrlik sıntetıkalyq esirtkiniń taralýy erekshe qaýip tóndirip otyrǵanyn atap ótti. Jyl basynan beri zańsyz aınalymnan 466 keli sıntetıkalyq esirtki men 11 tonnadan astam prekýrsor tárkilengen.
Qarasaı aýdanynda jasyryn esirtki zerthanasy joıyldy
Eske salaıyq, buǵan deıin Pavlodarda esirtki qosylǵan kóknár tuqymyn satqan qylmystyq top áshkerelengen bolatyn. Sot úkimimen qylmyskerler 7 jylǵa bas bostandyǵynan aıyryldy.