Búgin «Qaırat» fýtbol klýbynyń túlegi, ulttyq qurama shabýylshysy Dastan Sátpaev almatylyq klýb sapynda sońǵy oıynyn ótkizedi. Ol londondyq «Chelsı» komandasyna aýysar aldynda «Qyzyljarǵa» qarsy matchta alańǵa shyǵady, dep habarlaıdy Egemen.kz.
«Qaırat» klýby búgin saǵat 19:00-de óz alańynda «Qyzyljarmen» kezdesedi. Klýbtyń málimetinshe, oıynnan keıin Almatynyń Ortalyq stadıonynda Dastan Sátpaevqa arnalǵan qoshtasý rásimi ótedi.
«Bizdiń túlegimiz úshin bul kezdesý londondyq «Chelsıge» aýysar aldyndaǵy «Qaırat» sapyndaǵy sońǵy oıyny bolmaq. Bul túlegimizdi sary-qara jeıdede sońǵy ret kórip, onyń mansabyndaǵy jańa kezeńge shyǵaryp salýdyń sońǵy múmkindigi», delingen habarlamada.
Aıta keteıik, londondyq klýb ótken jyly Dastan Sátpaevty 4,3 mıllıon eýroǵa satyp alǵan bolatyn. Taraptar bes jyldyq kelisimshartqa qol qoıǵan. Onyń 2,4 mıllıon eýrosy birden tólense, taǵy 1,9 mıllıon eýrosy ártúrli bonýstar túrinde tólenbek.
Dastan Satpaevtyń jeıdesi Býdapeshttegi arnaıy kórmege qoıyldy
Bul kelisim el fýtbolynyń tarıhyndaǵy eń qymbat transfer bolyp otyr.
Eske sala keteıik, aldaǵy maýsymda Dastan Sátpaev óz mansabyn londondyq «Chelsı» sapynda jalǵastyrady. Jańa maýsymda «Chelsı» klýbyn Habı Alonso baptaıdy.