Qamys

Ol – qoldana bilse, myqty qurylys materıaly Syrdyń boıynda otyrǵan aýdandardyń isker jigitteri darııa­ny boılap ósetin qalyń qamysty kádege jaratyp jatyr. Qalyń qorystan eń alǵash qurylys materıaldar jasaǵan shardaralyq kásipkerdiń ónimderi arzan jáne básekege qabiletti bolǵandyqtan tutynýshylardyń qyzyǵýshylyǵyn arttyrǵan edi. Endi Otyrar aýdany Qarǵaly aýyl­yn­daǵy «Aqmergen» seriktes­tigi jergilikti jerde kóp óse­tin tabıǵat ónimderinen qury­lys ma­terıaldaryn shyǵarý jobasyn iske asyrýda. Qazaqta «sheshingen sýdan taıynbas» degen mátel bar. «Aqmergen» jigitteriniń jobasy memlekettik údemeli ındýs­trııalyq-ınnovasııalyq damý baǵdarlamasynyń aıasynda ındýstrııalyq kartaǵa engen. Jobanyń jalpy quny 622,3 mln. teńge bol­sa, bıznesti qoldaý baǵdarlamasy boıyn­sha 320 mln. teńge jeńildetilgen nesıe beril­gen. Qazir sehtyń qajetti qondyrǵylary ornatylyp, qamys oratyn, jınaıtyn, keptiretin jáne ózge maqsattarǵa kerekti tehnıkalar alynǵan. Keler jyly tolyq iske qosylady dep kútilip otyrǵan kásiporyn 30 adamǵa jańa jumys ornyn ashyp beredi. Jylyna 720 myń sharshy metr ónim shyǵarýǵa qabiletti sehtyń nyǵyzdalǵan qamys taqtaıshalary qurylystyń ishki, syrtqy árleý jáne qaptaý jumystaryna paıdalanylady. Sonymen qatar, túrli jıhazdar jasaýǵa da qolaıly materıal. Elimizdiń qaı túkpirine bar­sańyz osy baǵyttaǵy qurylys materıaldary Qytaı jáne Reseıden tasymaldanatynyn kóresiz. Joba jetekshileri kórshi memleketterden ákelinetin qurylys materıalynan anaǵurlym arzan ári sapaly ekendigin aıtady. La­ıym, solaı bolǵaı. О́ıtkeni, qa­zir­diń ózinde kásiporyn ónim­derine aldyn-ala tapsyrys bergender kóp. «Aqmergen» JShS-inde bolǵan aýdan ákimi Erlan Aıtahanov ká­siporyn jumysyndaǵy keıbir túıtkildi máselelerdi sheshýge jár­demdesetindigin aıtty. Maqtaaral aýdanynda bol­ǵanymyzda kádimgi maqtanyń qozapaıasynan qurylys materıaldaryn jasap jatqan kásiporyn jumysymen tanysqanbyz. Endi qaý qamys kádege jarap jatyr. «О́zimdiki degende ógiz qara kúshim bar» degen osy. Otandyq ónimder ózge eldiń osyndaı qurylys materıaldarymen básekede qabiletti bolsa, elimizdiń áleýeti arta beredi. Baqtııar TAIJAN, «Egemen Qazaqstan» Ońtústik Qazaqstan oblysy