[caption id="attachment_52783" align="aligncenter" width="560"] prokuror.gov.kz[/caption]
Birinshi jarty jyldyqtyń qorytyndylaryna arnalǵan Bas prokýratýra alqasynyń jınalysynda Jaqyp Asanov Túrme ındeksi boıynsha Qazaqstannyń pozısııasy jyl saıyn jaqsaryp kele jatqanyn aıtty, dep habarlady Bas prokýratýranyń baspasóz qyzmeti.
«Túrme ındeksi boıynsha jaǵdaıymyz jyl saıyn jaqsarýda. Búginde biz 221 eldiń arasynda 62-shi ornyndamyz. Bul – Eýropanyń jetekshi elderiniń deńgeıi. Jarty jylda sottalǵandar sany 2,5 myńǵa tómendegen. Qarajaldaǵy kolonııa jabyldy. Osy jyly taǵy altaýy jabylatyn bolady», – dedi J. Asanov.
Bas Prokýror bul «Túrme halqyn azaıtý boıynsha 10 shara» degen jobanyń jemisi ekenin atap ótti.
«Azaptaýlar sheshilmegen másele bolyp qalyp otyr. Jyl saıyn 600 shaǵymdy tirkeımiz, árbir altynshysy rastalady. Sońǵy 1,5 jylda azaptaýdan kolonııalarda 4 adam qaıtys boldy. Sondyqtan «Azaptaýsyz memleket» degen jobaǵa bastama jasadyq. Jaǵdaıdy túzeý boıynsha sharalar bar», – dedi ol.
Aıdar О́RISBAEV