Qazaqstan Qarashyǵanaqtaǵy gaz óńdeý zaýytynyń qurylysyn jedeldetýde. Energetıka mınıstri Erlan Aqkenjenov jylyna 5 mlrd tekshe metrge deıin gaz óńdeıtin zaýyt salý 2029 jylǵa deıingi gaz salasyn damytýdaǵy negizgi jobalardyń biri ekenin atap ótti, dep habarlaıdy Egemen.kz.
Mınıstrdiń aıtýynsha, bul joba Qazaqstan úshin asa mańyzdy, sondyqtan onyń iske qosylý merzimin keıinge qaldyrýǵa bolmaıdy.
«Memleketke naqty nátıje qajet», dep basa aıtty ol.
Sondaı-aq, Qarashyǵanaq jobasyndaǵy sheteldik aksıonerlermen júrgizilip jatqan kelissózderge erekshe nazar aýdaryldy.
Qarashyǵanaq operatoryna 2 mlrd teńge kóleminde aıyppul salyndy
Mınıstr shıki gaz jetkizilimin qamtamasyz etý, baǵa kelisimderi jáne zaýytty ken ornynyń qoldanystaǵy ınfraqurylymymen tıimdi biriktirý mańyzdy ekenin jetkizdi.