Kongo Demokratııalyq Respýblıkasy el aýmaǵynda ebola vırýsynyń taraýyna baılanysty fýtboldan álem chempıonatyna bara almaı qalýy múmkin. Buǵan deıin el bıligi eboladan 177 adam qaza tapqanyn moıyndaǵan, dep habarlaıdy Egemen.kz
Bıylǵy álem chempıonatyn qabyldaıtyn AQSh Kongo tarapy vırýstyń taraýyna baılanysty qoıylatyn qajetti talaptardy oryndaýy tıis ekenin málimdedi.
– Kongo Demokratııalyq Respýblıkasy quramasyna 11 maýsymda Hıýston qalasyna kelmes buryn 21 kúndik oqshaýlaý rejımin saqtaý qajettigin óte naqty túsindirdik. Sonymen qatar, Kongo úkimetine bul talap oryndalmasa, AQSh-qa kirýge ruqsat berilmeýi múmkin ekenin de ashyq aıttyq, - dedi Aq úı ákimshiliginiń álem chempıonatyna daıyndyq boıynsha tobynyń atqarýshy dırektory Endrıý Djýlıanı.
Esterińizge salaıyq, Dúnıejúzilik densaýlyq saqtaý uıymy Kongodaǵy Ebolaǵa qatysty jaǵdaıdyń kúrt nasharlaǵanyn habarlaǵan bolatyn. Uıym elde indetti juqtyrý qaýpi «óte joǵary» dep baǵalap otyr. DDU basshysy Tedros Adhanom Gebreıesýs indettiń aýqymy buryn oılaǵannan áldeqaıda keń ekenin eskertti.