Saıahatshy 20 mamyr kúni Shymbulaq jaqtan taýǵa shyǵyp, eki kúnnen keıin oralýy tıis bolǵan. Belgilengen ýaqytta baılanysqa shyqpaǵan ári telefony baılanystan tys bolǵan soń, jaqyndary dabyl qaqty, dep jazady Egemen.kz.
Izdestirý jumystaryna Tótenshe jaǵdaılar mınıstrliginiń «Barys» respýblıkalyq jedel-qutqarý jasaǵy men Almaty qalasy TJD Qutqarý qyzmetiniń mamandary shuǵyl attandy. Qutqarýshylar 3200 metr bıiktikke kóterilip, Shymbulaq shyńy baǵytyna qaraı betkeılerdi jaıaý tekserdi.
Baǵytty tekserý barysynda joǵalǵan er adam tabyldy. Oǵan medısınalyq kómek qajet bolǵan joq. Qutqarýshylar ony «Medeý» bıik taýly muz aıdynyna deıin qaýipsiz túsirip, jaqyndaryna tabystaldy.
«Taýǵa shyǵarda jaqyndaryńyzǵa naqty baǵytyńyz ben joryq ýaqytyńyzdy mindetti túrde habarlańyz», delingen habarlamada.
Aıta keteıik, Almaty taýlarynda jaraqat alǵan sheteldik týrıst qutqaryldy.