Fýtbol merekesi Kanadaǵa da jetti. Torontodaǵy «Bı-Em-O Fıld» arenasynda álem chempıonatynyń V tobyndaǵy alǵashqy oıyndy Kanada men Bosnııa jáne Gersegovına quramasy bastap berdi, dep habarlaıdy Egemen.kz
Qos komanda arasyndaǵy oıyn óte tartysty boldy. Kezdesýdiń 21-shi mınýtynda Bosnııa jáne Gersegovına sapynan Lýkıch Iovo esep ashty.
Kanada quramasy dopqa ıelik etý, shabýyldaý jaǵynan alda bolǵanymen qarsylas qaqpasynan sańylaý taba almaı biraz álek boldy. Tek matchtyń 79-shy mınýtynda oıynǵa tyńnan qosylǵan Kaıl Ların esepti teńestirip, jergilikti jankúıerdi qýanyshqa bir bólep tastady. Kezdesý sońyna deıin qarsylastar tabloǵa esh ózgeris engize almady. Qorytyndy esep 1:1. Qos komanda bir-bir upaıdan enshiledi.
Esterińizge salaıyq, búgin D tobynda AQSh pen Paragvaı, Avstralııa men Túrkııa quramalary alǵashqy kezdesýlerin ótkizedi. Oıyn Astana ýaqyty boıynsha tańǵy saǵat 6:00-de jáne 9:00-de bastalady.
Fýtboldan álem chempıonaty-2026: Oıyndardyń tolyq kestesi men ýaqyty