Almatyda búginnen bastap Ýálıhanov kóshesinde Qabanbaı batyr kóshesinen Qazybek bı kóshesine deıingi aralyqta soltústik baǵytta birjaqty qozǵalys engiziledi, dep habarlaıdy Egemen.kz.
Sonymen qatar Jýkov kóshesinde (ońtústik baǵytta) jáne Manaev kóshesinde (soltústik baǵytta) Zataevıch kóshesinen Ahmedıarov kóshesine deıingi aralyqta da birjaqty qozǵalys uıymdastyrylady.
Sheshim Almaty qalasy polısııa departamentiniń ákimshilik polısııa basqarmasymen birlesip júzege asyrylyp otyr. Bul shara kólik júktemesin azaıtýǵa, jol-kóshe jelisiniń ótkizý qabiletin arttyrýǵa, sondaı-aq joldaǵy janjaldy jaǵdaılardy tómendetýge baǵyttalǵan.
О́zgerister qazirgi kólik jaǵdaıyna júrgizilgen taldaý men aýdan turǵyndarynyń ótinishteri eskerile otyryp qabyldandy.
Aıta ketý kerek, birjaqty qozǵalys pılottyq rejımde engiziledi. Tıimdiligi tekserilgen soń, monıtorıng qorytyndysy boıynsha aldaǵy sheshimder qabyldanatyn bolady.