Tarazda er adamnan asa iri kólemdegi sıntetıkalyq esirtki tárkilendi, dep habarlaıdy Egemen.kz.
Jambyl oblysy polısııa qyzmetkerleri jedel-izdestirý is-sharalaryn júrgizý barysynda 29 jastaǵy shetel azamatyn ustady. Jeke tintý kezinde odan aq tústi untaq tárizdi zat salynǵan, oqshaýlaǵysh taspamen oralǵan 10 túıinshek tabylyp, tárkilendi. Sonymen qatar jaqyn mańdaǵy edennen dál osyndaı taǵy 18 túıinshek anyqtaldy.
Onlaın esirtki bıznesi: Aqtóbede eki kúdikti qamaýǵa alyndy
Kúdiktiniń ýaqytsha turyp jatqan mekenjaıynda júrgizilgen keıingi tintý barysynda polısııa qyzmetkerleri ózine tán ıisi bar aq tústi untaq zat salynǵan taǵy 109 túıinshekti tárkiledi.
Tarazda taksı júrgizýshisiniń kóliginen esirtki tabyldy
Sot saraptamasynyń qorytyndysyna sáıkes, tárkilengen zat “Alfa-PVP” sıntetıkalyq esirtkisi bolyp tanyldy. Tárkilengen esirtkiniń jalpy salmaǵy 59,01 gramdy qurady. Aldyn ala baǵalaý boıynsha onyń qara naryqtaǵy quny 2,7 mıllıon teńgeden asady.
Atalǵan derek boıynsha QR qylmystyq kodeksiniń 297-babynyń 3-bóligimen sotqa deıingi tergep-tekserý bastaldy. Kúdikti ýaqytsha ustaý ızolıatoryna qamaldy.
Tarazda jasóspirim qyzdyń ólimine qatysty qylmystyq is qozǵaldy
Aldyn ala málimetterge sáıkes, er adam zańsyz tabys tabý týraly usynysty Telegram messendjeri arqyly alǵan. Ol esirtkini taratý úshin aldyn ala daıyndalǵan túıinshekterdi Almaty qalasynan alyp, olardy Taraz qalasynyń aýmaǵynda ótkizýdi josparlaǵan. Alaıda onyń zańsyz áreketiniń joly polısııa qyzmetkerleriniń jedel jumysynyń nátıjesinde der kezinde kesildi.
Tarazdaǵy daýly vıdeo: polısııa basshysy qyzmetinen ketýi múmkin
Aıta keteıik, buǵan deıin Tarazda taksı júrgizýshisiniń kóliginen esirtki tabylǵan bolatyn.