Ataqty qazaqstandyq boksshy Gennadıı Golovkın Halyqaralyq boks dańqy zalyna engiziledi. Saltanatty rásim 14 maýsym kúni AQSh-tyń Kanastota qalasynda ótedi, dep habarlaıdy Egemen.kz
Golovkın 2026 jyly Dańq zalyn tolyqtyratyn burynǵy bes boksshynyń qataryna endi. Qazaqstandyq sportshymen birge bul qurmetke amerıkalyq burynǵy álem chempıony Antonıo Tarver, brıtandyq Naıdjel Benn, japonııalyq Naoko Fýdzıoka jáne meksıkalyq Djekı Nava ıe boldy.
Gennadıı Golovkın kásibı mansabyn 2022 jyly aıaqtady. Ol kásipqoı rıngte 45 jekpe-jek ótkizip, onyń 42-sinde jeńiske jetti. Eki ret jeńilip, bir kezdesýdi teń aıaqtady.
Sport mınıstri: Gennadıı Golovkınniń World Boxing basshysy bolýy – úlken jetistik
Qazaqstandyq boksshy orta salmaqta WBC, WBA, IBF jáne IBO tujyrymdary boıynsha chempıondyq belbeýlerdiń ıegeri boldy jáne uzaq jyldar boıy salmaq dárejesine qaramastan álemniń úzdik boksshylarynyń biri sanaldy.
Golovkın Dańq zalynyń «Zamanaýı boksshylar» sanatyna engiziledi. Bul sanatta qazirdiń ózinde álemdik boks ańyzdary – Maık Taıson, Lennoks Lıýıs, Evander Holıfıld, sondaı-aq aǵaıyndy Vıtalıı men Vladımır Klıchko bar.
Qazirgi ýaqytta Gennadıı Golovkın Ulttyq olımpıadalyq komıtettiń prezıdenti jáne dúnıejúzilik World Boxing uıymynyń basshysy qyzmetin atqarady.