Reseıdiń LDPR partııasynyń lıderi Vladımır Jırınovskıı burynǵy quramyna azdaǵan ózgeris engizip, jańarǵan sıpattaǵy KSRO-ny qurýdy usyndy. Saıasatkerdiń ózi bul týraly Twitter-degi resmı paraqshasyna jazdy.
О́zbekstannyń Podrobno.uz portalynyń habarlaýynsha, Jırınovskıı qaıtadan Keńes Odaǵyn qurýdy ábden múmkin jaǵdaı ekenin atap kórsetken. «Ynta men yqylas bolsa, KSRO-ny – erkin sosıalıstik respýblıkalar odaǵyn jasaý qıyn emes. Buǵan endi Iran, Túrkııa sekildi elderdi shaqyrý kerek», - dep jazady ol.
LDRP serkesiniń aıtýynsha, bul úshin eń aldymen KSRO-nyń abbrevıatýrasyn ózgertip, ony erkin sosıalıstik elderdiń respýblıkasy turǵysynda qurý kerek. Munda Túrkııa, Iran sekildi birqatar elderdi shaqyrýǵa da bolady.
Keıinirek Jırınovskıı jańarǵan KSRO quramynan Reseı, Ázerbaıjan, Armenııa, Belarýs, Qazaqstan, Túrkııa, Iran, Sırııa, Irak, Qyrǵyzstan, Túrikmenstan, Ýkraına, Grýzııa, Moldova, О́zbekstan, Tájikstan elderin kórgisi keletinin bildiripti. Qorytyndyda KSRO quramy 16 respýblıkaǵa deıin jetken. Ol tizimge burynǵy odaqtas respýblıkalardan tek Latvııa, Lıtva, Estonııa sııaqty Baltyq jaǵalaýy elderin ǵana qospapty.
Murat AITQOJA
https://youtu.be/0D_BNDZXbVo