Portýgalııanyń Madeıra aımaǵyndaǵy aeroport eldiń quramasy men Madrıdtiń «Real» komandasynyń shabýylshysy Krıshtıaný Ronaldýdyń esimin alady. O Jogo basylymynyń jazýynsha, muny Madeıra aımaqtyq úkimetiniń tóraǵasy Mıgel Albýkerke aımaq astanasy – Fýnshal qalasyna Ronaldý saparlap kelgen kezde málimdegen.
Endi shahar áýe qaqpasy resmı túrde «Madeıranyń Krıshtıaný Ronaldý áýejaıy» dep atalatyn bolady.
Aral aımaqtyq keńesi bul sheshimdi qyzý qoldap otyr.
Eske sala keteıik, bıylǵy jyly 10 shilde kúni oınalǵan Fransııada ótken fýtboldan Eýropa chempıonatynyń fınaldyq matchynda Portýgalııa komandasy alań ıelerin ekstra-taımnyń 109-mınýtynda Eder soqqan jalǵyz goldyń arqasynda 1:0 etip jeńip, tarıhta tuńǵysh ret qurlyq chempıony atanǵan edi. Oıyn bastalǵannan keıin kóp uzamaı jaraqat alyp qalǵan Krıshtıaný Ronaldý 25-mınýtta alańnan ketýge májbúr boldy. Osydan keıin portýgal quramasynyń oıynshylary burynǵydan beter uıymshyldyqpen oınap, aqyrynda jeńiske jetti.
Krıshtıaný Fýnshal qalasynda týǵan. Qazir jasy 31-ge kelip otyrǵan fýtbolshy bul qalada 12 jasqa deıin turdy.
Al Madeıranyń halyqaralyq aeroporty 1964 jyly ashylǵan bolatyn.
Damır QOJAMQUL