Astanada aýksıonǵa qoıylǵan, Perızat Qaıratqa tıesili bolǵan Mercedes-Benz S 450 kóligi satylmaı, polısııanyń paıdalanýyna berildi, dep jazady Egemen.kz.
Memlekettik múlik jáne jekeshelendirý departamentiniń málimetinshe, zań boıynsha mundaı aktıvter aldymen memlekettik mekemelerge usynylady. Tek suranys bolmaǵan jaǵdaıda ǵana satylymǵa shyǵarylady.
2026 jylǵy 7 sáýirdegi hattamaǵa sáıkes, kólikti Astana qalasynyń polısııa departamenti ıelendi. Qazir ony vedomstvo balansyna rásimdeý jumystary júrgizilip jatyr.
Perızat Qaırattan tárkilengen kólik memlekettik organdardyń menshigine berildi
Belgili bolǵandaı, kólikke 2024 jylǵy 19 qarashada sot sheshimimen tyıym salynǵan. Al 2025 jylǵy 25 shildede Perızat Qaırat isi boıynsha úkim shyqqan. Múlikke qatysty sheshimder úkimdi oryndaý barysynda qabyldanady.
Perızat Qaırattyń advokaty apellıasııalyq sotqa shaǵym túsirdi
Baǵalaý esebinshe, avtokóliktiń tehnıkalyq jaǵdaıy jaqsy. Ony polısııanyń qandaı maqsatta paıdalanatyny naqtylanbady.
Eske salaıyq, Perızat Qaırattan tárkilengen múlik qatarynda birneshe páter, qymbat kólikter, bıznes úlesi men iri kólemdegi qarajat bar.
Perızat Qaırat 1,5 mlrd teńgeni jymqyrdy degen aıyppen 10 jylǵa sottaldy, anasy 7 jylǵa bas bostandyǵynan aıyryldy.