Memleket basshysy ǵalymdardy Aqordada qabyldady. Osyndaı jaqsy úrdis sońǵy eki-úsh jyldan beri qalyptasyp kele jatyr, sonymen birge ǵylymǵa kóńil bólý de burynǵydan arta tústi. Bıylǵy konstıtýtsııalyq reforma da ǵylymǵa basymdyq berý týraly aıtyldy. Sol úshin ǵylym qazir memleketimiz úshin mańyzǵa ıe boldy. Mysaly, Sıngapýr, Japonııa elderinde ǵylymǵa strategııalyq deńgeıde kóńil bóledi. Sonyń arqasynda olar damý satysyna kóterildi. Bizdiń elimiz de qazir osy baǵytqa qadam basty. Qazir Prezıdent janyndaǵy ulttyq ǵylym akademııasy ǵylymı mańyzy bar úlken jobalardy júzege asyryp jatyr. Mysaly, Qytaı elimen birge «DeepBas» dep atalatyn úlken baza jasaýǵa kiristi. Sonymen birge Ońtústik Koreıamen birigip «Silk Net» degen ınstıtýt qurdy.
О́zim saıasattaný salasy boıynsha mamanmyn. Osy salada doktorlyq qorǵap, qazirgi jastardyń mádenıetin, olardyń qoǵamdaǵy belsendiligin, saıası qundylyqtarynyń qalyptasý máselelerin zerttep júrmin. О́tken jyly AQSh-tyń Djordj Vashıngton ýnıversıtetiniń Ortalyq Azııa baǵdarlamasy aıasynda shaqyrylǵan professor retinde bir jyl zertteýmen aınalystym. Sol zertteýler aıasynda ǵylymı maqalalarym halyqaralyq bedeldi jýrnalda jaryq kórdi. AQSh-ta oqyp júrgende «The Diplomat» atty jýrnalǵa «Dımash fenomeni jáne qazaqstandyq jumsaq kúsh» degen analıtıkalyq maqala shyǵardyq. Iаǵnı Dımash Qudaıbergenniń fenomen retinde álemge tanylýy týraly jazdyq. Bul maqala Dımashtyń jankúıerleri tarapynan jyly qabyldandy.
2025 jylǵy Qazaqstannyń basty ǵylymı jetistigi ataldy
Atalǵan jýrnalǵa «Qazaqstannyń kópvektorly saıasaty jáne Toqaevtyń ondaǵy róli» atty maqalam da jaryq kórdi. Búgingi kezdesýde Prezıdent ǵylymǵa qatysty jańa bir bastama kóterdi. О́tken joly Qoja Ahmet Iаsaýı atyndaǵy syılyq taǵaıyndaǵan bolatyn. Endi Ál-Farabı atyndaǵy taǵy bir syılyq taǵaıyndalatyn boldy. Bul marapat ǵylym salasyna eren eńbegi sińgen ǵalymdarǵa beriledi. Bul da bir jańalyqtyń bastaýy.
Jeńisbek TО́LEN,
Prezıdent janyndaǵy Ulttyq ǵylym akademııasy
Bilim jáne qoǵamdy damytý ortalyǵynyń basshysy, PhD