Ivanka Tramp – AQSh prezıdenttigine Respýblıkashylar partııasy atynan úmitker Donald Tramptyń qyzy. Ol sońǵy birer kúnde respýblıkashylar seziniń jańa juldyzy bolyp shyǵa keldi. Ákesi baǵdarlamalyq baıandamamen partııalastary aldyna shyǵarda ony delegattarǵa habarlaǵan Donaldtyń áıeli Melanııa emes, tap osy qyzy boldy.
Ivankanyń mundaǵy mindetteriniń biri saılaýshy áıelderdi ákesi jaǵyna qaraı buryp jiberý bolatyn. Onyń bul sózi jaman shyqqan joq.
«Meniń ákemniń menshigine jatatyn kompanııada er kisilerden góri áıelder anaǵurlym kóp. Áıelder atqarǵan jumystary úshin aılyq jalaqyny er kisilermen birdeı kólemde alady. Al qyz-kelinshekter ana atanǵan kezde olarǵa qashanda qoldaý kórsetilip turady. Meniń ákem Amerıkaǵa óziniń burynǵy ulylyǵyn ákelem dep aıtsa, ol qalaıda sony jasaıdy», - dedi Ivanka qysqasha sóziniń barysynda.
34 jastaǵy Ivanka Tramp – úsh balanyń anasy. Buryn ol model bolyp jumys jasaǵan. Qazir tabysty bıznesvýmen retinde tanylyp júr. Google áleýmettik jelisiniń izdestirý júıesinde onyń aty ákesinen góri de jıi kórinedi.
Ivankanyń kúıeýi Belarýs jerinde týyp-ósken, burynǵy partızan evreıdiń urpaǵy.
Murat AITQOJA