[caption id="attachment_52935" align="aligncenter" width="560"] Foto: aa.com.tr[/caption]
aa.com.tr aqparyna sáıkes, ólim jazasy zańdy kúshine enetin bolsa, Túrkııa úshin Eýropalyq Odaqtyń (EO) esigi jabylýy múmkin. Bul týraly Eýrokomıssııa basshysy Jan-Klod Iýnker málimdedi.
«Eger Túrkııa bul isti zańdy turǵyda quptaıtyn bolsa, Eýroodaq quramyna qabyldanýyn toqtatamyz. Biraq qazirgi jaǵdaımen enýiniń ózi ekitalaı», – dedi Jan-Klod Iýnker.
Aıta keteıik, birneshe kún buryn Ystanbulda jınalǵan bir top adam áskerı tóńkeris jasamaq bolǵandardy ólim jazasyna kesýdi talap etken edi. Al 18 shilde kúni memleket basshysy Rejep Taııp Erdoǵan halyq talap etse, eń joǵarǵy jaza qaıta qoldanylýy múmkin ekenin aıtty.
«Demokratııada halyqtyń talabyn eskerý qajet. Biz jazanyń eń aýyr túrin keıinge qaldyrmaımyz. Sebebi, bılikti basyp almaq bolǵandar jaýapqa tartylýy tıis», – degen edi el prezıdenti. Sońǵy resmı málimet boıynsha, 16 shildege qaraǵan túni sátsiz tóńkeristen 290 adam qaza tapqan.
Túrkııada ólim jazasyn (darǵa asý) qoldaný eldiń EO-ǵa múshe bolý sharttaryn oryndaý maqsatymen 2002 jyly toqtatylǵan.
Aıan ÁBDÝÁLI