Talaptar tanystyryldy

Keshe Syrtqy ister mınıstr­liginde Qazaqstan Respýb­lı­kasy Or­ta­­lyq saılaý komıssııa­synyń uıym­­dastyrýymen shet memle­ket­terdiń dıplomatııalyq mıs­sııa­lary men halyqaralyq uıym­dary­nyń ókilderine arnalǵan brıfıng bolyp ótti. 39 alys já­ne taıaýdaǵy shet memleketterdiń, Eýropalyq odaq pen EQYU Orta­lyǵynyń ókilderi qatysqan kezdesý barysynda respýblıka O­r­ta­lyq saılaý komıssııasy tóraǵa­sy­nyń orynbasary Vladımır Foos Qazaqstan Respýblı­kasy­nyń Prezıdentine saılaý naýqa­ny­nyń ba­ry­sy týraly habardar etip, qoıyl­ǵan suraqtarǵa jaýap berdi. Ol aldymen Konstıtýsııaǵa já­ne saılaý zańnamasyna engizilgen sońǵy jańalyqtardy sóz ete kele, olardyń Prezıdenttiń kezekten tys saılaýyn uıymdastyrý men ótkizý merzimderine qatysty ekenine toqtaldy. Osy ózgeristerge sáı­kes saılaý taǵaıyndalǵan kúnnen bastap 2 aı ishinde ótkiziledi. Naý­qandy zańmen belgilengen merzimde ótkizý úshin kandıdattar men saılaý komıssııalary úshin barlyq saılaý rásimderi merzimin qysqartý kerek boldy. Bul rette Ortalyq saılaý komıssııasy aýmaqtyq saılaý komıssııalarynyń Prezıdenttikke kandıttardy qoldap, qol jınaǵan paraqtaryn tekserý merzimin 10 kúnnen 5 kúnge deıin jáne Ortalyq saılaý komıssııasynyń kandıdattarǵa, olardyń Konstıtýsııa men «Saılaý týraly» Zańda belgilengen talaptarǵa sáıkestigi anyq­tal­ǵan soń, qol qoıý paraq­taryn berý merzimin 5 kúnnen 2 kúnge deıin qysqartý týraly qaý­ly qabyldady. Brıfıngtegi sózin aıaqtaı kele Vladımır Foos Orta­lyq saılaý komıs­sııasy barlyq saılaý prosesine qatysýshylar­men, halyqara­lyq uıymdarmen já­­ne sheteldik baıqaýshylarmen yn­tymaqtas­tyq­ta jumys isteýge, naýqan bary­syn­daǵy aǵymdaǵy aq­parattarmen jedel oı bólisip otyrý­ǵa ázir ekenin bildirdi. Juldyz BAIDILDA.