Abyroıly paryz

Elbasy N.Á.Nazarbaevtyń «Nur Otan» HDP HIII sezinde sóılegen sózindegi bir erekshelik, halyqtyń ómir súrý deń­geıin jaqsartýda arzan jaldyq turǵyn úı tetigin oılastyryp, ony je­ńil­dikpen usyný qajet­tigin atap kórsetti. Bul bıylǵy Joldaýyn­da atap aıtqan turǵyn úı-kom­mý­naldyq sharýashylyq salasyna bas­ty nazardyń jalǵa­syndaı kó­rindi. Sondyqtan ár­bir eldi mekende jas maman­dar­ǵa arnap, qa­zirgi turmys tala­byna saı úıler, áleýmettik-má­denı nysandar salý­dy jospar­la­ǵan durys. Bul bizdiń eldegi turǵyn­dar­y­nyń jartysyna jýyǵy aýyl­dyq jerde turatyndyqtan, óte ózekti másele dep bilemin. Al Joldaýda aıtylǵan turǵyn úı-kommýnal­dyq sharýashylyq jú­ıe­sin reformalaý – qala tur­ǵyn­dary úshin sheshýin kútken shetin másele bolyp tabylady. Atal­ǵan reformany júr­gizý úshin «Turǵyn úı qa­rym-qatynas­tary» Zańyna jáne taǵy basqa quqyqtyq-normalyq qujat­tar­ǵa ózgerister men tolyqtyrýlar engizý qajet. Sondyqtan, osy sala­larǵa qatysty mekemeler ókilderi men aýdandyq, qalalyq ákimdik jáne qoǵamdyq uıymdar ókil­deri­niń qatysýymen Elbasy Jol­daýyn jan-jaqty talqylaýdy kún tár­tibine qoıyp, aıtylǵan pikirler men usynystardy toptastyryp, qo­rytyndylap, tıisti organdarǵa jetkizýi tıis dep oılaımyn. Qandaı da bolmasyn jaqsy jos­pardyń oryndalý sapasy men deń­geıi ony iske asyrýǵa jaýapty árbir deńgeıdegi sala basshy­lary­nyń halyq aldyndaǵy jaýapkershiligine, adaldyǵyna, kásibı sheberligine, uıym­dastyrýshylyq qa­biletine já­ne árqaısymyzdyń azamattyq belsendiligimizge baı­la­nysty. Ol úshin bizdiń partııa múshelerine óz mindetterin jetik bilýmen qatar, jurtshylyqty or­taq múddege ju­myldyrý isi tapsyrylady. HIII sezd dele­gaty retinde osy máse­leler mu­qııat talqylanyp, basshy­lyqqa alynady degen senimdemin. Elbasy N.Nazarbaev Qazaq­stan halqyna Joldaýyndaǵy min­det­ter­diń oryndalý barysyn baqy­laýǵa alýdy «Nur Otan» HDP já­ne qoǵamdyq uıymdarǵa tap­syr­dy. Partııanyń kezekti HIII sezin­de atalǵan másele naqtylana tús­ti. Bul jetekshi partııamyzǵa júk­telgen úlken senim jáne jaýapkershilik. El úmitin aqtaý nurotan­dyq­tardyń abyroıly paryzy ekendigin jurtshylyq jaqsy biledi. Meırambek QIYQOV, «Nur Otan» HDP Aqmola oblystyq fılıaly caıası keńesiniń múshesi, sezd delegaty.