«QTJ» UK» AQ qyzmetkerleriniń 3-17 jas aralyǵyndaǵy 350-den astam balalary «Altyn qalam» jáne «Balaýsa bolashaq» dástúrli baıqaýlaryna qatysty.
Temirjolshylardyń balalaryn áleýmettik turǵyda qoldaý maqsatynda kompanııa uıymdastyrǵan bul saıys erkin taqyrypqa jáne Qazaqstan Táýelsizdiginiń 25 jyldyǵy taqyrybyna arnaldy.
Baıqaý komıssııasynyń sheshimi boıynsha, 70-ten astam bala jeńimpaz atandy. Olarǵa baǵaly syılyqtar men yntalandyrý syılyqtary tabystaldy.
«Baıqaý deńgeıi san jaǵynan da, sapa jaǵynan da jyldan-jylǵa jaqsaryp keledi. Bıylǵy jyly bizdi jańa talanttar qýantty. Olar – Iаsmın Túsipova, 5 jasqa deıingi búldirshinder arasynda sýret baıqaýynan birinshi orynǵa ıe boldy. 10 jasqa deıingi balalar arasynda qara óleń jazýdan Ádilet Oryndyqbaı men 14 jasqa deıingi balalar arasynda proza jazýdan Móldir Shyńǵys aldaryna jan salmady», – dedi Adam resýrstaryn basqarý departamentiniń bas menedjeri Qorlan Medıhanova.
Q.Medıhanova kelesi baıqaýǵa bolat magıstraldiń shalǵaıdaǵy ýchaskelerinde turatyn búldirshinderden bıylǵydan da kóp ótinim túsetinine senimdi.
«Egemen-aqparat»