«Tańat Seıdahmet aqyn» dep Torǵaı tabanynda esimi úlken qurmetpen atalatyn aqynnyń ómiri men shyǵarmashylyǵy jaıynda jańa kitap jaryq kórdi. XIX ǵasyrdyń ekinshi jartysy men XX ǵasyrdyń bas kezinde ǵumyr keshken aqyn eńbegin alǵash tasqa basýshy Ybyraı Altynsarın bolsa, onyń shyǵarmashylyǵy men ǵumyryn alǵash zertteýshilerdiń biri – jazýshy Sabyr Sháripov bolypty. 1910 jyly Torǵaı elin aralap, ádebıet úlgilerin jınaǵan jazýshydan keıin Seıdahmet aqyn ádebıet bilgiri Qajym Jumalıevtiń nazaryna da iligedi.
Kózi tirisinde jasy kishi bolǵanymen janyna jaqyn balaǵan Ahmet Baıtursynovpen syılas, qadirles bolǵan Seıdahmet aqyn inisiniń izimen «40 hıkaıat» jazǵan eken.
«Ǵıbrat» dep atalatyn jınaqqa Seıdahmet aqynnyń óleńderi men tolǵaýlary, sol sııaqty, halyq aýzynda saqtalyp qalǵan sózderimen qatar, ómiri men shyǵarmashylyǵy týraly ár kezde jazylǵan maqalalar da engizilgen.
«Sóılese – sózdiń shesheni,
Bastasa eldiń kósemi.
Seıdahmet aqyndy
Áýlıe adam desedi», deıdi eken.
Shynynda da, Seıdahmet bir basyna san óner qonǵan adam bolsa kerek. Ustalyq, zergerlik ónerge de salar oljasy bar aqynnyń endi bir aty – Seıdahmet usta. О́zinen keıin shyqqan talaı temirden túıin túıgen, altyn-kúmisten asyl buıymdar jasaǵan zergerler men ustalar Seıdahmetti ustaz tutypty. Qysqasy, oqyrmannyń qolyna tıgen jańa kitaptyń aıtar oıy men berer ǵıbraty mol.
Anar TО́LEÝHANQYZY.