Eldiń ishi – bereke

Bıylǵy Joldaýdyń taqyry­by-aq barshaǵa tyń mindetter júk­tegendeı. Tipti, halyqtyń qoǵamdaǵy belsendiligine jol ashyp, qajyr-qaıratyn eseledi. «Bola­shaq­tyń irgesin birge qalaımyz» dep halyqqa senim artqan qundy qujattan qoǵamdaǵy turaqtylyq pen damýdyń negizi el ishindegi berekeli tirlikke kóz jetkizemiz. Demek, táýel­sizdigimizdiń ótken jyldardaǵy jetistikteri men órkendi isterde kópultty qazaq­standyqtardyń ózindik qoltań­basy bar ekeni anyq. Elimizdi damytýdaǵy mańyzdy mindetter qatarynda básekege qa­bi­letti ekonomıkany damytý men jumyssyz­dyqty boldyrmaý mindetteri tur. «Bıznestiń jol kar­tasy – 2020» baǵ­darlamasy negizinde memlekettik qol­daýǵa ıe bolǵan tıimdi jobalar qolǵa aly­nyp, óz kásibin ashqandar bola­shaqqa naqty qadam jasap otyr. Mundaı ortasynan ozǵandar Jetisý jerinde de bar. Tek, Qara­saı aýdanynda 1943 zańdy jáne 6714 jeke kásipkerlik salasynda 55 myńnan astam adam eńbek etedi. О́tken jyly atalǵan salada 23,2 mlrd. teńgeniń ónimi ón­dirilip, áleýmet­tik salada tuty­ný­shy­larǵa minsiz qyz­met kórse­til­gen. Nátıjesinde, bıýdjet qor­jynyna 2,1 mlrd. teńge salyq tú­sip­ti. Jyl ótken saıyn  halyq­qa qyzmet kórsetýdiń sapasy jaqsarǵany, ónim óndirý kólemi artqany osyǵan dálel. «Bıznestiń jol kartasy-2020» baǵ­darlamasymen Jańa Shamalǵan eldi mekeninde «AzııaAgroFýd» JShS 500 adam­dy jumyspen qamtyp, un ónim­derin óndi­rý­men qatar basqa da tu­ty­ný­shylarǵa qajetti azyq-túlik shyǵarýda. Al, «Iýnılıýks» seriktestigi qury­lys­taǵy jylý júıesine qajetti  qazandyq shyǵarsa, «RG-Brands» kásiporny memleketten 2 mıllıardtan astam teńge sýbsıdııa alyp, alkogolsiz sýsyndar ón­dirý baǵytyndaǵy jumysty júıe­­legen. Qazirgi kezde kásip­orynda júzdegen adam jumyspen qam­tylyp, aýyl tur­ǵyn­darynyń áleýmettik jaǵdaıy ýaqyt ótken saıyn jaqsaryp keledi. Joldaýǵa baılanysty qara­saılyq­tardyń bolashaq ıgiligine aınalatyn tyń joba «Týlaev» jeke kásiporny qonaqúı keshenin salýdy qolǵa aldy. Jańa bıznes bastama qoldaýǵa ıe bolyp, «BTA bank» AQ-tan 338 mln. teńgege qarjylandyrý úshin «Damý» qory oblys boıynsha alǵash ret nesıeniń teń jartysyna kepildik berdi. Birinshi baǵyt boıynsha «Damý» qory­nyń kepildigi jáne «Bıznestiń jol kartasy-2020» baǵdarlamasy aıasynda keshen qu­ry­lysyna 169 mln. teńge sýbsıdııa bó­linetin boldy. Negizinen óndiristi keńeıtý men qaıta ja­raqtandyrýǵa, jańalaryn damy­týǵa baǵyttalǵan tyń jobalardy qarjy­landyrý tártibimen 14 paıyzben nesıe alǵandar syıaqy mólsherlemesiniń jartysyn tó­leıdi. Al, kásipker qalǵan 7 paıyzdy ózi óteıtinin jeńildik retinde qabyldaǵan ujym bilek sybana jumysyn bastap otyr. Qonaqúı kesheni tutynýshy­lardyń búgingi joǵary talǵa­myna saı qajet­tiliktermen jabdyqtalmaqshy. Otyz úsh nómirge arnalǵan qonaqúı­degi ár bólme adam qaýipsizdigin qam­tamyz etý deńgeıiniń joǵary­lyǵy jáne qosalqy turmystyq qyzmetterdiń kóptegen túrlerin usynbaqshy. Máselen, nómir­ler ınternetke qosylsa, qoǵamdyq tamaqtandyrý, konferensııalar uıym­das­tyrýǵa arnalǵan oryn­dar, salamat­ty ómir saltyn qa­lyptastyratyn sporttyq júıe­lermen tolyqtyry­latyn bo­lady. Indýstrııalandyrý baǵyty­men aýdanda qolǵa alynǵan 2,8 mlrd. teńgeni quraıtyn jobalar tolyq júzege asqanda «Trapeza Treıd», «Jetisý», «AS Group LTD» 300-ge jýyq ju­mys orny ashylady. El erteńi­niń kepili aımaqtaǵy kásipker­liktiń damýy men ondaǵy ónim men qyzmettiń básekege qabilet­tiligine tikeleı qatystylyǵyn eskergen isker azamattar naqty qadamdarǵa barǵan. Kúmisjan BAIJAN, Almaty oblysy, Qarasaı aýdany.