Qaryz ben paryz aıqyndalar sát

«Nur Otan» HDP bastamasymen qurylǵan «Qazaqstan-2030» Jalpy­ult­tyq demokratııalyq kúshter koa­lı­sııasynyń músheleri men prezıdenttikten úmitker N.Nazarbaevty qoldaý jó­nin­degi respýblıkalyq shtab ókilderi taıaýda  Taraz qalasyna kelip, oblys jurt­shylyǵy ókilderimen kezdesý ót­kizdi. Koalısııa músheleriniń quramyn­da Parlament depýtattary, belgili ádebıet, mádenıet, óner qaıratkerleri, sport sańlaqtary, saıası partııalar men úkimettik emes uıymdardyń, etno­má­denı birlestikterdiń jáne kásip­odaqtar ókilderi boldy.   Koalısııa múshelerin bastap kelgen, kandıdattyń respýblıkalyq shta­by­nyń tóraǵasy, «Nur Otan» HDP Tóraǵasynyń birinshi orynbasary  N.Nyǵ­matýlın eldiń barlyq óńirinde prezıdenttikke kandıdat N.Nazar­baevty jurtshylyqtyń úlken ynta-yqylaspen qoldap otyrǵanyn aıtyp, oǵan negiz retinde jıyrma jyl ishinde el-jurt qol jetkizgen tatýlyq pen tabandylyqty, birlik pen berekeni, áleýmettik jáne ekonomıkalyq tolaıym tabystardy alǵa tartty. Prezıdenttikke kandıdat N.Na­zar­baevtyń bastamasymen dúnıege kelip, júzege asyryla bastaǵan ınno­va­sııalyq-ındýstrııalandyrý baǵdarla­ma­sy boıynsha, mysaly, Jambyl óńi­rin­de 32 joba iske qosylyp, 10 myń ju­mys orny ashylatyn bolady. Quryly­sy qarqyndy júrip jatqan «Batys Eýropa-Batys Qytaı» avtomagıstrali oblystyń 5 myńǵa jýyq turǵynyn eń­bekke tartqan. Jalpyulttyq demokratııalyq kúsh­ter koalısııasy músheleriniń ekinshi toby M.H.Dýlatı atyndaǵy Taraz memlekettik ýnıversıtetinde joǵary oqý oryndarynyń oqytýshylarymen, stýdentterimen, bıznes qaýymdastyǵy ókilderimen, saıası partııalar men úkimettik emes uıymdar múshelerimen, etnomádenı birlestikterdiń jetekshilerimen kezdesti. «Ádilet» demokra­tııa­lyq partııasynyń tóraǵasy M.Nárikbaev prezıdenttikten úmitker N.Nazarbaevtyń táýelsizdiktiń jıyrma jylynda qol jetkizgen saıası jáne áleýmettik-ekonomıkalyq tabystarda­ǵy úlesi ólsheýsiz ekenine toqtalyp, jurtshylyq ókilderin úmitkerdi biraýyzdan qoldaýǵa shaqyrdy. Parlament depýtattary Q.Sultanov, T.Qos­mambetov, Qazaqstan Jazýshylar odaǵynyń tóraǵasy N.Orazalın, belgili jazýshy Á.Tarazı, Koreı ulttyq qaýymdastyǵynyń prezıenti R.Kım, Eńbek Eri A.Mırazova, eńbek sińirgen ártis M.Qusaıynov, «Qazaqstan isker áıelderi qaýymdastyǵy» respýblıka­lyq qoǵamdyq birlestiginiń tóraıymy R.Sársenbaeva, «Ulttyq medısınalyq holdıngi» AQ tóraǵasy E.Birtanov, Sıd­neı Olımpıadasynyń chempıony E.Ybraıymov jáne basqalar da prezıdenttikten úmitker N.Nazarbaevqa daýys berýge úndedi. «Qazaqstan-2030» Jalpyulttyq demokratııalyq kúshter koalısııa­synyń músheleri «Qazfosfat» JShS men Jambyl aýdanynda da osyndaı kezdesýler ótkizip, jurtshylyqty kan­dıdat N.Nazarbaevty qoldaýǵa shaqyrdy. Kósemáli SÁTTIBAIULY, Jambyl oblysy.