«Qazaqstan temir joly» ulttyq kompanııasy bıylǵy jyldyń sońyna deıin IPO ótkizip, aksııalaryn qor naryǵyna shyǵarýdy josparlap otyr. Bul týraly Úkimettegi brıfıng barysynda kompanııanyń basqarma tóraǵasy Talǵat Aldybergenov málimdedi, dep habarlaıdy Egemen.kz.
Onyń aıtýynsha, qazirgi ýaqytta kompanııa men Samuryq-Qazyna IPO-ǵa daıyndyq jumystaryn belsendi júrgizip jatyr. Jospar boıynsha aksııalar bir mezgilde birneshe qor bırjasynda ornalastyrylady.
«Qazaqstan temir joly» basshysynyń sózinshe, kompanııa aksııalaryn jarııa ornalastyrýdy osy jyly bastaýdy kózdep otyr.
QTJ áleýmettik mańyzy bar azyq-túlik tasymalyna 70% jeńildik engizdi
Alaıda buǵan deıin, 19 mamyrda, Kólik mınıstri Nurlan Saýranbaev naryqtaǵy jaǵdaıdyń áli de qolaısyz ekenin aıtqan bolatyn. Onyń málimetinshe, «Samuryq-Qazyna» IPO ótkizý merzimin qaıta qarastyryp jatyr jáne aldyn ala boljam boıynsha 2027 jyldyń birinshi toqsanynda júzege asýy múmkin.
Osylaısha, QTJ basshylyǵy IPO-ny bıyl ótkizýdi josparlaǵanymen, sońǵy sheshim naryqtaǵy ahýal men ınvestorlardyń qyzyǵýshylyǵyna baılanysty qabyldanady.