Darıǵa Nazarbaeva bastaǵan Parlament Senaty Halyqaralyq qatynastar, qorǵanys jáne qaýipsizdik komıtetiniń músheleri Ulttyq ulannyń basshylyǵymen kezdesip, «Qazaqstan Respýblıkasy Ulttyq ulanynyń 2017-2019 jyldarǵa arnalǵan damý josparyn» talqylady.
Komıtet tóraıymy D.Nazarbaeva memlekettegi qoǵamdyq qaýipsizdikti qamtamasyz etýdegi Ulttyq ulannyń mańyzdy rólin atap ótti.
Kezdesýde Ulttyq ulannyń bas qolbasshysy Rýslan Jaqsylyqov negizgi baıandama jasady. Ol Ulttyq ulandy damytýdaǵy negizgi basymdyqtardy belgiledi jáne áskerdiń materıaldyq-tehnıkalyq jabdyqtalýy, áskerı qyzmetkerlerdi turǵyn úımen qamtamasyz etý máselelerin kóterdi.
Damý josparynda basqarý organdaryn odan ári jetildirý, basshylyq jáne jaýyngerlik daıarlyq, áskerı bilim berý jáne qarjy shyǵyndarynsyz josparly túrdegi moraldyq-psıhologııalyq turǵyda qamtamasyz etý sharalary kózdelip otyr, dedi R.Jaqsylyqov.
Senatorlar S.Jaqsybekov, M.Altynbaev, L.Qıynov, G.Kım kezdesýde ózekti máselelerge toqtalyp, birqatar usynystaryn ortaǵa saldy, dep habarlady Parlament Senatynyń baspasóz qyzmeti.