...О́NIM TÚRIN ShYǴARA BASTADY
Qostanaı qalasyndaǵy «Alpamys» aıaq kıim fabrıkasy kóp jyldardan keıin balalardyń aıaq kıimin qaıtadan shyǵara bastady. Bul kásiporyn úshin jańa ónim túri bolyp sanalady. О́ıtkeni, osy ýaqytqa deıin fabrıka tender boıynsha utyp alǵan qarjyǵa Qarýly Kúshter men áleýmettik organ salasy qyzmetkerleri úshin qysqy jáne jazǵy aıaq kıim túrlerin tigetin.
Balalarǵa aıaq kıim tigý isi reseılik saýda oryndarynyń suranysy boıynsha qolǵa alyndy. Qazir munda búldirshinderge arnalǵan aıaq kıimniń 6 túri daıyn tur. Olardyń barlyǵy da taza teriden tigilgen. Mamandardyń aıtýynsha, eger suranys bolsa, kásiporyn ónim kólemin ulǵaıtýǵa jáne túrin kóbeıtýge daıyn.
Názıra JÁRIMBETOVA.
Qostanaı.
* * *
...KО́LIKTERGE IE BOLDY
Petropavl qalasynyń «Dostyq» alańynda ótken saltanatty shara qorshaǵan orta men jan-janýarlar álemin kózdiń qarashyǵyndaı qorǵap júrgen ormanshylardy ulyqtaýǵa arnaldy.
Oǵan oblys ákimi Serik Bilálov qatysyp, sý jańa órt sóndirý tehnıkalaryn tabys etti. Osy maqsat úshin jergilikti qazynadan 80 mıllıon teńge qarastyrylyp, 7 «ÝAZ-33» avtokóligi, 17 «MTZ» traktory jáne 1 órt sóndirý máshınesi satyp alyndy. Olar 12 orman sharýashylyǵy men «Krasnyı bor» memlekettik kásipornyna berildi. Orman mekemeleriniń materıaldyq-tehnıkalyq bazasyn nyǵaıtý alda da jalǵasa beretini aıtyldy.
О́mir ESQALI.
Soltústik Qazaqstan oblysy.
* * *
...BALABAQShA AShYLDY
Aqtóbe qalasyndaǵy Jaǵalaý kóshesinde paıdalanýǵa berilgen 140 oryndyq «Balaqaı» balabaqshasy búldirshinderdiń ıgiligine aınaldy. Jańa úlgidegi zamanaýı mektepke deıingi balalar mekemesin salýǵa 220 mıllıon teńge jumsalǵan. Jeke seriktestik kúshimen salynǵan balabaqsha eki qabatty. Birinshi qabatta ashana, kir jýatyn oryn, medısınalyq jáne toptyq bólmeler ornalasqan. Ekinshi qabatta dombyra, baıan, fortepııano úıirmelerine arnaıy bólmeler bólingen.
Munda sondaı-aq búldirshinder «Palıtra» baǵdarlamasyna sáıkes beıneleý ónerinen sabaq alady. Bıyl oblys ortalyǵyndaǵy «Ońtústik-Batys» jáne «Jańaqonys» shaǵyn aýdandarynda da osyndaı sáýletti balabaqshalar boı kóteretin bolady.
Satybaldy SÁÝIRBAI.
Aqtóbe oblysy.