Sarapshylardyń pikirinshe, bıylǵy jyldyń alǵashqy úsh aıynda Qazaqstanda shamamen 50,7 myń kelisimshart jasalǵan. Ekonomıkalyq ósimniń álsireýi men ınflıasııaǵa qaramastan, 2016 jyly naryqtaǵy joǵary kóterilgen trend bıyl da jalǵasyn tappaq.
«Eldiń shetel valıýtasynda saqtaǵan qarajatynyń arqasynda qazir jyljymaıtyn múlik saýdasy qaıta qarqyn ala bastady”, – deıdi sarapshy Anna Shaskaıa. Onyń aıtýynsha, teńgeniń turaqtanýy men shıkizat baǵasynyń qaıta kóterilýi eldiń tólem qabiletine oń áser etýde.
Al sarapshy Marııa Renniń pikirinshe, ótken jyldyń alǵashqy úsh aıyndaǵy jasalǵan saýda kelisimsharty ótken jyldyń osy ýaqytymen salystyrǵanda 30,9 paıyzǵa ulǵaıǵan. Esterińizge sala keteıik, 2016 jylǵy ósim 2015-pen salystyrǵanda 10,1 paıyz ǵana ulǵaıǵan edi.
Sonymen qatar jańa páterlerdiń kóptep salynýy eldiń suranysyn arttyryp jatyr. Al qaıtalama naryqtaǵy baǵa osynyń áserinen qymbattamaı, bir orynǵa turaqtap tur.
Degenmen, keı sarapshylar bıyl qaıtalama naryqtaǵy úılerdiń baǵasynyń túsetinin aıtady. Aıta keteıik, jyl basynan beri úsh aıda qaıtalama naryqtaǵy baǵa respýblıka boıynsha 4 paıyzǵa arzandaǵan.
Aldyn ala boljam boıynsha, jyl sońyna deıin osy qarqyn saqtalapy, aı saıyn shamamen baǵa 0,9 paıyzǵa arzandap otyrady. Nátıjesinde, 2017 jyldyń sońyna deıin baǵa 10-12 paıyz arzandaıdy degen joramal bar.