Assambleıa – rýhanı baspaldaq

Elbasy usynǵan «100 jańa oqýlyq», «Týǵan jer», «Qa­zaq­stan­daǵy 100 jańa esim» jáne bas­qa da zor kólemdi jobalar ult­tyq sanany jańa satyǵa kóte­retinine biz senimdimiz. San ulttyń ókilderi bas qosqan sessııa sóz joq, bizdiń memleketimizdiń qýaty birlikte, ózara syılastyqta ekenin taǵy bir jaqsy kórsetip ótti.

Shyndyǵynda, rýhanı jań­ǵyrý tek búgin bastalǵan jumys emes edi. Bizde táýelsizdik keze­ń­in­de bul baǵytta birneshe aýqym­dy is-sharalar atqaryldy. Bú­gin­de álem boıynsha 9-oryndy ıe­len­gen ulan-asyr jerdi urpaqqa ama­nat­taǵan jaýyngerlik jáne erlik rýhymen qatar, Qazaq dala­sy ejelden qonaqjaılylyq, dana­­lyq, parasat pen tatý­lyq­­tyń jo­ǵary dárejesin kór­setti. Taǵdyr jazýy­men bizdiń ata­lary­myz osy qa­sıetti jerde oshaq qurdy. Al búgin biz bir tý­dyń astyndaǵy bir­tutas Qazaq­stan azamattary eke­ni­mizdi maq­tanyshpen aıtamyz.

Máselen, 2003 jyly 15 qazanda Qaraǵandyda oblystyq lıtva «Lıtýanıka» uıymy quryldy. Munyń ózi sol ýaqytta rýhanı jańǵyrýǵa alǵashqy qadamdar bolatyn. Al oblys ortalyǵynda Dos­tyq úıi ashylǵaly ol múm­kin­­dik­teri­miz arta tústi. Buryn­dary tek is-sharalarda bas qosa­tyn bolsaq, búginde Dos­tyq úıi ob­­lysy­myzdaǵy túr­li ult ókil­deriniń mádenı toǵy­syp, tolysýyna yq­pal etýde. Sondaı-aq, Dostyq úıin­de ashyl­ǵan medıasııa men halyq shyǵar­ma­shylyǵyna arnal­ǵan arnaıy kabınetter nátı­jeli jumys jasaýymyzǵa jol ashty. Osy jumystardyń ozyq úlgi­sin­deı, «bizdiń kóz aldymyzda bolyp jatqan uly ózgerister – ári tarıhı sátti qadamdar ár qazaq­standyqqa berilgen múmkindik».

Barlyq otandastarymdy alda kele jatqan dostyq mere­kesi – Qazaqstan halqynyń birligi kúnimen shyn júrekten quttyqtaımyn!

Vıtalıı Iono TVARIONAS,

Qazaqstan halqy Assambleıasy Keńesiniń múshesi, oblystyq lıtva etnomádenı birlestiginiń tóraǵasy

QARAǴANDY