Festıvalǵa qatysqan 10 teatrdyń arasynda Júsipbek Aımaýytov atyndaǵy Pavlodar oblystyq qazaq mýzykalyq drama teatry da boldy. Baıanaýyldyq Jumat Shanın elimizdiń tuńǵysh ult teatrynyń negizin saldy. Shymkenttiń qazaq drama teatryna 1972 jyly onyń esimi berilgenin de bilemiz. Festıval uıymdastyrýshylary da osynaý tuǵyry bıik tulǵanyń jerlesterine laıyqty qurmet bildiripti. Atap óterlik taǵy bir erekshelik – bul báıgede Shanın shyǵarmalaryn sahnalaǵan da jalǵyz osy Aımaýytov teatrynyń ujymy bolyp shyqty. Teatr ujymy belgili rejısser, marqum Janat Hadjıev sahnalaǵan J.Shanınniń «Arqalyq batyr» tarıhı dramasyn kórsetti. Jalpy, Shanınniń halyq jyry negizinde jazylǵan «Arqalyq batyry» óte kúrdeli qoıylym, kezinde Shanınniń ózi Arqalyq batyrdyń rólin oryndaǵany belgili.
Aıta keteıik, Arqalyq batyrdyń beınesin somdaǵan Bekbolat Oqasov Qasymhan Shanın atyndaǵy arnaıy júldeni, Jumahan Dospaev «Utymdy beıne» atalymyndaǵy syılyqty ıelendi. Tarıhı dramada ómirlerin ónerge arnaǵan Seıitjan Tájibaev, Beıbit Shánim, Jumahan Dosbaı, Rýslan Nyǵman, Kenjeǵazy Qarymsaq, Taljibek Atambek, Tolqyn Ábdirrahım sııaqty talantty ártister oınady. Al «Teatr kóktemi-2017» halyqaralyq festıvaliniń bas júldesi Ý.Shekspırdiń «Asaýǵa tusaý» komedııasyn sahnalaǵan Astananyń Jastar teatryna berildi. Aımaýytov teatrynyń ártisteri Túrkistanǵa baryp-qaıtýlaryna qoldaý kórsetken belgili temirjolshy, teatr janashyry Ábı Sarqynshaqov aǵalaryna alǵys aıtýda.
Farıda BYQAI,
«Egemen Qazaqstan»
PAVLODAR