Uly jeńis ulaǵaty

Ústimizdegi jyldyń 8 ma­my­rynda Tashkenttegi Qazaq ult­tyq ortalyǵymen birlese otyryp, osynda turatyn qan­dastarymyzdyń arasynan Uly Otan soǵysyna qatysqan ardagerlerge Qazaqstan elshiliginde qurmet kórsetildi. Qabyldaýda Qazaqstannyń О́zbekstandaǵy Tótenshe jáne ókiletti elshisi Bóribaı Jeksenbın sóz sóılep, soǵys ardagerleri men tyl eń­bek­kerleriniń janqııarlyq erlikteri men eńbekteri búgingi ur­paqqa árdaıym úlgi bolaty­nyn atap ótti. Qabyldaýda sóı­legen ardagerler eki memle­ket­tiń arasyndaǵy týystyq qaty­nas­tardyń tereńdeı túsýine tilektestik bildirdi. Kelgen arda­ger­lerdiń bári de Qazaqstan elshiligi tarapynan syı-sııapattarǵa ıe boldy. Osy kúni Tashkenttiń Orta­lyq mádenıet saraıynda Jeńis kúni men Qazaqstan jáne О́zbek­stan memleketteri Táýelsizdiginiń 20 jyldyǵyna arnalǵan halyq­ara­lyq aqyndar aıtysy ótki­zil­di. Oǵan Qazaqstan men О́zbekstan ǵana emes, Mońǵolııadan kelgen aqyndar da qatysty. Ashylý sal­tanatynda sóılegen sózinde B.Jeksenbın mádenı shara Elbasy N.Nazarbaevtyń 2010 jyly Tashkentke jasaǵan saparynda qol jetkizilgen eki eldiń arasyndaǵy mádenı yntymaqtastyqty damy­tý baǵdarlamasy aıasynda ótip otyrǵanyn atap ótti. Aıtysta bas júldeni tarazdyq aqyn Aı­nur Tursynbaeva jeńip alyp, avtokóliktiń kiltin ıelendi. Al Uly Jeńistiń 66 jyldyǵy kúni Qazaqstan elshiliginiń uıym­dastyrýymen «Mýstakıllık» ala­ńynda ornalasqan Qaıǵyly ana eskertkishi men Máńgilik alaý­ǵa jáne Tashkenttegi baý­yr­lastar zıratyna gúl shoqtaryn qoıý rásimi boldy. Bul sharaǵa О́z­bekstan Respýblıkasynda tirkelgen 40-qa jýyq halyq­ara­lyq uıymdar men dıplo­ma­tııa­lyq ókilder basshylary qa­tysty. Sol kúni Qazaqstan elshiliginde B.Jeksenbınniń aty­n­an qabyldaý boldy. Onda Qa­zaq­stannyń Uly Otan soǵy­syndaǵy Jeńiske qosqan úlken úlesi týraly aqparat berildi. Sharaǵa О́zbekstan Syrtqy ister mınıstriniń orynbasary B.Islamov jáne basqalar qatysty. «Egemen-aqparat».