Jankúıerlerge qoldaý

Beeline kompanııasy Qazaqstan Tennıs federasııasynyń Býenos-Aıres qalasynda Argentına men Qazaqstan qurama komandalarynyń arasynda ótetin Devıs Kýbogynyń  shırek fınaldyq matchyn tamashalaý úshin otandyq jankúıerler komandasyn jasaqtaýǵa qoldaý kórsetýde. Osyǵan baılanysty Beeline kompanııasy men Tennıs fe­de­rasııasy uıaly baılanys ope­ra­tory men BAQ ókilderi ar­a­syn­da 7-9 shilde kúnderi Býe­nos-Aıreste ótetin matchty tamashalaý úshin konkýrstyń jarııa­lan­ǵanyn habarlaıdy. Jaqynda Almatyda osy máselege oraı ót­ken baspasóz máslıhatynda «KaR-Tel» JShS bas dırektory Anatolıı Popov, Qazaqstan Ten­nıs federasııasynyń vıse-prezıdenti Ádil Bórlibaev pen elimizdiń erler ulttyq qurama­synyń kapıtany Egor Shaldýnov  Beeline abonentteri men aq­parat quraldary arasynda óte­tin konkýrs týraly keńirek má­li­met berdi. «Bul aksııa aıasynda mamyr aıynda eki baıqaý ótedi, – dedi «KaR-Tel» JShS bas dırektory Anatolıı Popov. – Onyń biri tennıs týraly eń úz­dik dúnıe daıyndaǵan BAQ re­daksııalary men jýrnalısteri arasynda ótse, ekinshisi, Beeline abonentteri arasynda ótetin «Barlyǵy tennıs týraly» atty sms konkýrsy». Onyń aıtýyn­sha, bul baıqaýda uıaly baıla­nys operatorynyń tutynýshy­lary Beeline jáne Qazaqstan Ten­nıs federasııasynyń saıt­ta­rynda demalys kúnderdi eseptemegende kún saıyn tennıs týraly qoıylatyn suraqtarǵa durys jaýap berýleri kerek. Osy eki konkýrstyń jeńimpaz­daryna Beeline kompanııasy 7-9 shilde kúnderi Býenos-Aıres qa­lasynda Argentına men Qazaq­stan quramalary arasynda Devıs Kýbogynyń shırek fınaldyq matchyn tamashalaý úshin tegin bıletter tapsyrady. Tennıs federasııasynyń vıse-prezıdenti Ádil Bórlibaev bolsa, jıynda muhıttyń arǵy ja­ǵynda ótetin matchtyń Qazaq­stan sporty úshin máni jáne ma­ńyzy jaǵynan úlken tarıhı oqı­ǵa ekenin, osyǵan baılanysty Qa­zaqstan Tennıs federasııasy ult­tyq quramanyń Devıs Kýbogyn­daǵy jeńisterine qoldaý kórsetý úshin otandyq kompanııalarǵa osyn­­daı túrli marketıng jáne jarnamalyq joldarmen jan­kú­ıer­lerdi jarys alańdaryna jınaý kerektigin aıtyp, Beeline kom­panııasynyń osy bastamasy úshin alǵysyn jetkizdi. BAQ arasynda ótetin baıqaý jekelegen jáne komandalyq túri boıynsha eki nomınasııaǵa bólinip ótkiziledi. Jekelegen nomınasııada merzimdi baspasózde jáne teleefırde 2011 jyldyń 5-27 mamyr kúnderi shyqqan eń úzdik materıaldardyń eki avtory je­ńim­paz bolyp tanylady. Koman­da­lyq nomınasııada BAQ arasyn­da eki redaksııa tańdap alynady. Munda 2010 jyldyń jeltoqsan aıynan bastap, 2011 jyldyń 27 mamyr kúnine deıin otandyq aq­parat quraldarynda tennıs tý­ra­ly eń kóp jazǵan ujym jeńimpaz atanady. Baıqaýǵa merzimdi baspa­sózde jáne televızııalyq sıýjetterde shyqqan materıal­dar­dyń kóshir­mesi men dıskileri «KaR-Tel» JShS-nyń baspasóz-qyzmetine jiberilýi kerek. Kon­kýrsqa redaksııalar ujym retinde jáne jýrnalıster óz betterinshe qa­tysa alady. Sonymen birge oǵan mýltımedıa, onlaın-jýrnalıstıka, fotojýrnalıstıka jiberiledi. Konkýrstyń qorytyndy­syn­da Beeline kompanııasy tórt jeńimpazǵa Argentınada ótetin Devıs Kýbogynyń shırek fı­nal­d­yq matchyna tegin bıletter tapsyrady. Onyń qorytyn­dy­sy 2011 jyldyń 29 mamyr kúni jarııalanady. Beeline abonentteri arasyn­da ótetin «Eıs Argentınaǵa jol­dama!» sms-konkýrsyna kelsek, uıaly baılanys operatory­nyń baspasóz-qyzmeti onyń erejelerin áleýmettik jeliler men BAQ-tarda jarııalaıdy. 2011 jyl­­­dyń 5-27 mamyr kún­de­ri demalys kúnderdi eseptemegende kún saıyn www.beeline.kz pen www.ktf.kz saıttarda, kom­pa­nııa­nyń  Facebook, Vkontakte já­ne twitter áleýmettik jelilerindegi resmı toptarynda tennıs tý­ra­ly eki suraq qoıylady. Onyń jaýap­tary kún saıyn saǵat 00.00-ge deıin qabyldanady. Konkýrstyń qorytyndysynda 34 suraqqa eń kóp jaýap bergen bir abonent Devıs Kýbogynyń shırek fınal­dyq kezdesýin tamashalaý úshin tegin bıletke ıe bolady. Sonymen birge taǵy bes belsendi qatysý­shyǵa Beeline kompanııasy USB mo­demderin syılyq retinde ta­bys etedi. Suraqtarǵa sms jaýap­tary 925 qysqasha nómi­rine jiberiledi. Bir sms habar­dyń  baǵasy – 15 teńge. Dastan KENJALIN.