О́ner mektebi 2012 jyldan bastap tárbıelenýshileriniń jumystaryn kórermen nazaryna usynyp keledi. Bul jolǵy ekspozısııaǵa árqıly mánerde oryndalǵan 76 jumys qoıylǵan. Atap aıtqanda, suńǵat, grafıka, lınogravıýra, batık, pape-mashe, vıtraj, kıiz basý sııaqty nebir qolóner týyndylarynyń ozyq úlgileri bar. Murajaıdyń ǵylymı-ekspozısııa bóliminiń jetekshisi Irına Solovevanyń aıtýynsha, kórmege usynylǵan dúnıeler oqýshylardyń sabaqta ıgeretin jumystarynyń biraz bóligi ǵana eken. Osynaý alǵashqy eńbekterine qarap, olardyń qorshaǵan ortaǵa degen qurmetin ańǵarýǵa bolady. Onyń ústine jeke shyǵarmashylyqtyń qalyptasýy beıneleý ónerimen aınalysý kezinde paıda bolady eken. Malıka Mýsına, Aıdana Aldońǵar sııaqty talaptylar bolashaǵynan úlken úmit kúttiredi. Uıymdastyrýshylardyń pikirinshe, shyǵarmashylyqpen aınalysý ár balany qýanysh sezimine bóleıdi. Olar zattar men qubylys týraly oılanyp, kerekti ádisterin meńgerip, beıneleý óneriniń qyr-syry týraly bilim alatyn bolady.
Raýshan NUǴMANBEKOVA
SEMEI
Sýretterdi túsirgen avtor