Mektep tabaldyryǵyn alǵash attaǵan balalardyń shamamen úshten biri kitapty qalaı qoldanýdy bilmeıtini anyqtaldy. Muǵalimderdiń aıtýynsha, keıbir oqýshylar kitap betin paraqtaýdyń ornyna ony smartfon ekrany sııaqty sıpap, basyp kórip, odan jaýap kútedi.
Bul jaǵdaı Ulybrıtanııada mektepke daıyndyq deńgeıin anyqtaýǵa arnalǵan jyl saıynǵy saýalnama barysynda belgili bolǵan. Sarapshylar muny balalardyń erte jastan gadjetke úıir bolýymen baılanystyrady. Balalardyń kóbi aldymen sıfrlyq ekranǵa úırenip, qaǵaz kitappen kesh tanysady. Sonyń saldarynan tek oqý quralyn paıdalaný emes, basqa da bastapqy daǵdylarda qıyndyq baıqalady. Muǵalimder keı balalardyń ózdiginen tamaq ishý, kıiný, qarapaıym tapsyrmaǵa zeıin qoıý jaǵynan da qınalatynyn aıtady.