Aqtóbe qalasynda oblys ákimdigi ǵımaraty órtenip jatyr. Bul týraly Tótenshe jaǵdaılar mınıstrligi habarlady, dep habarlaıdy Egemen.kz.
О́rt ǵımarattyń shatyrynan shyqqan.
«Oqıǵa ornyna TJD kúshteri men quraldary jedel jetti. Dereý órt sóndirý oqpandary berilip, órtti tolyq sóndirý úshin barlyq qajetti sharalar qabyldanyp jatyr. Sýdyń úzdiksiz berilýi qamtamasyz etildi. Qazirgi ýaqytta adamdardy evakýasııalaý júrgizilip jatyr», dep málimdedi mınıstrlik.
О́rt sóndirýshiler joǵary deńgeıli shaqyrtý boıynsha jumys istep jatyr, órttiń naqty aýmaǵy anyqtalyp jatyr. Oqıǵa ornynda jedel shtab qurylǵan.
Qazirgi ýaqytta zardap shekkender týraly aqparat túsken joq. Ákimdik málimetinshe, oqıǵa ornyna jedel medısınalyq járdemniń eki brıgadasy tartylǵan, alaıda eshkim medısınalyq kómekke júginbegen.
Saǵat 21:22-degi jaǵdaı boıynsha órt oqshaýlandy, alaıda ony tolyq sóndirý jumystary jalǵasyp jatyr.