Qazaqstanda mýzeı mádenıetine degen qyzyǵýshylyq artyp keledi. 2026 jyldyń alǵashqy úsh aıynyń qorytyndysy boıynsha el mýzeılerin 822 791 adam tamashalaǵan. Bul saladaǵy júıeli jumystyń nátıjesi jáne halyqtyń mádenıetke betburysynyń aıqyn kórinisi, dep jazady Egemen.kz.
Mundaı kórsetkishke mýzeı ınfraqurylymyn damytý, ekspozısııalardy jańartý jáne zamanaýı formattardy engizý arqyly qol jetkizildi. Ásirese jastar men týrısterge arnalǵan jańa jobalar kelýshiler aǵynyn arttyrýǵa yqpal etip otyr.
Búginde respýblıka aýmaǵynda 285 mýzeı jumys isteıdi. Olardyń qatarynda 5 respýblıkalyq mýzeı, 12 mýzeı-qoryq, 15 óńirlik tarıhı-ólketaný mýzeıi, 71 memorıaldyq, 16 kórkemóner mýzeıi jáne qalalyq, aýdandyq, aýyldyq deńgeıdegi mádenı mekemeler bar.
Memlekettik qyzmet mýzeıi quryldy
Mádenıet jáne aqparat mınıstrliginiń málimetinshe, mýzeıler tek saqtaý orny ǵana emes, sonymen qatar aǵartýshylyq jáne tanymdyq ortalyqqa aınalyp keledi. Jyl basynan beri elimizde 1219 kórme uıymdastyrylyp, jańa ekspozısııalar men taqyryptyq zaldar ashyldy. Sonymen qatar 4200-den astam mádenı-aǵartýshylyq is-shara ótkizilgen. Olardyń ishinde dárister, ekskýrsııalar, bilim berý baǵdarlamalary jáne ınteraktıvti jobalar bar.
Salada iri kórme jobalaryn júzege asyrý jáne halyqaralyq yntymaqtastyqty keńeıtý baǵytynda da júıeli jumys júrgizilip jatyr. 2026 jyldyń alǵashqy toqsanynda respýblıkalyq jáne halyqaralyq deńgeıde 28 mańyzdy joba iske asyrylǵan. Bul jobalar elimizdiń tarıhy men mádenıetin keńinen tanystyrýǵa baǵyttalǵan.
Ulttyq ortalyq mýzeıde aıryqsha sýret kórmesi ashyldy
Qazaqstan mýzeıleri sheteldik áriptestermen de belsendi baılanys ornatyp otyr. Osy kezeńde 26 halyqaralyq kórme, festıval jáne salalyq forýmǵa qatysqan. Bul óz kezeginde halyqaralyq tájirıbe almasýǵa, jańa jobalardy damytýǵa jáne birlesken bastamalardy júzege asyrýǵa múmkindik berdi.
Jalpy alǵanda, mýzeı salasynyń damýy ulttyq mádenı murany saqtaý men nasıhattaýdyń mańyzdy tetigine aınalyp otyr. Qazirgi kórsetkishter Qazaqstanda mýzeı mádenıetiniń jańa deńgeıge kóterilip kele jatqanyn kórsetedi.
Jańarǵan mýzeı – jańǵyrǵan tarıh