Memleket basshysy byltyrǵy Joldaýynda elimizde júk tasymaldaıtyn otandyq áýe kompanııasyn qurýdy tapsyrǵan bolatyn. Úkimet otyrysynda Premer-mınıstr Oljas Bektenov alǵashqy júk borty qashan iske qosylatyndyǵyn aıtty, dep habarlaıdy Egemen.kz.
Úkimet basshysynyń sózinshe, atalǵan baǵyttaǵy jumystar qatań baqylaýǵa alynǵan.
«Memleket basshysy júk tasymaldaıtyn otandyq áýe kompanııasyn qurýdy tapsyrdy. Bul joba qazirgi tańda júzege asyrylyp jatyr. Bıyl qazan aıynda alǵashqy júk borty Qazaqstanǵa jetkizilýge tıis. Kólik mınıstrligi osy máseleni erekshe baqylaýda ustasyn», dedi Oljas Bektenov.
Jıynda ShQO ákimi Nurymbet Saqtaǵanov Zaısan men Katonqaraǵaı kýrorttyq aımaqtaryndaǵy áýejaı qurylystarynyń qashan aıaqtalatynyn atady. Sondaı-aq Qazaqstannan Tokıo men Nıý-Iorkke tikeleı áýe reısteri qashan ashylatyndyǵyn jazǵan bolatynbyz.