Almatyda Ál-Farabı dańǵylyndaǵy jol apatyna qatysty sot otyrysy jalǵasyp jatyr. Sotta apat sáti túsirilgen beınejazba kórsetildi, dep habarlaıdy Egemen.kz.
Vıdeoda Zeekr kóliginiń joǵary jyldamdyqpen qarsy baǵyttaǵy jolaqpen qozǵalyp, Mercedes kóligimen soqtyǵysqany kórinedi.
Budan bólek sot otyrysynda kýágerler jaýap berip, apatqa deıingi oqıǵa tizbegine qatysty málimet berdi.
Sotta qaza tapqan Tomırıs Qadyrbektiń anasy Araıylym Esenbaeva aıyptalýshy Aleksandr Pakty keshirgenin jáne oǵan eshqandaı talaby joq ekenin málimdedi.
Eske salsaq, qaıǵyly jol apaty 21 naýryzǵa qaraǵan túni Ál-Farabı dańǵylynda bolǵan. Apat saldarynan Mercedes júrgizýshisi men 20 jáne 22 jastaǵy eki qyz kóz jumdy. Buǵan deıingi sot otyrysynda eki jábirlenýshi tarap sottalýshymen tatýlasqanyn aıtqan bolatyn.