Almaty qalasynda ál-Farabı dańǵylynda bolǵan úsh adamnyń qazasyna sebep bolǵan jol-kólik oqıǵasyna qatysty sot otyrysy jalǵasyp jatyr. Sotta marqum Tomırıs Qadyrbektiń anasy Araılym Esenbaeva jaýap berdi, dep habarlaıdy Egemen.kz.
Sot otyrysynda ol Zeekr kóliginiń júrgizýshisi Aleksandr Pakty keshirgenin, oǵan qatysty eshqandaı shaǵymy joq ekenin málimdedi.
«Men Tomırıs Qadyrbektiń anasy retinde aıyptalýshyǵa eshqandaı talabym joq. Sot zań aıasynda qalaı sheshse sol sheshimmen kelisemin», dedi Araılym Esenbaeva.
Onyń aıtýynsha, kináli qylmysyna qatysty shyn júrekten ókinish bildirip, moraldyq jáne materıaldyq shyǵyndy tolyq ótegen.
Aıta keteıik, qaıǵyly jol apaty 21 naýryzda Ál-Farabı dańǵylynda boldy. Tergeý derekterine sáıkes, Zeekr kóligin basqarǵan Aleksandr Pak qarsy jolaqqa shyǵyp ketip, Mercedes kóligimen soqtyǵysqan. Apat saldarynan úsh adam qaza tapty.
Buǵan deıingi sot otyrysynda eki jábirlenýshi tarapaıyptalýshyny keshirgenin jáne oǵan eshqandaı shaǵymy joq ekenin aıtqan bolatyn.