Túrkistan oblysynda 4 adamnyń ómirin qıǵan qaıǵyly oqıǵa boldy. Arys qalasynda jeńil avtokólik turǵyn úıdiń qorshaýyna soǵylyp, sol mańda oryndyqta otyrǵan adamdardy qaqqan, dep habarlaıdy Egemen.kz.
Jol-kólik oqıǵasy saldarynan eki bala men júkti áıel qaza tapty. Taǵy eki adam aýyr jaraqat alyp, aýrýhanaǵa jetkizilgen.
Aldyn ala málimetter boıynsha, kólikti 52 jastaǵy áıel basqarǵan. Mektepte jumys isteıtin áıel bos ýaqytynda jeke tasymalmen aınalysady. Saraptama qorytyndysyna sáıkes, júrgizýshi mas kúıde bolǵan degen boljam bar. Áıelge abaısyzda adam ólimine ákelgen jol qozǵalysy erejelerin buzý baby boıynsha aıyp taǵylyp, sotqa tartylýy múmkin.
Aıta keteıik, Jambyl oblysynda adam ólimine ákep soqqan iri jol-kólik oqıǵasy boıynsha qylmystyq is qozǵaldy.
Eske sala keteıik, Almaty qalasynda ál-Farabı dańǵylynda bolǵan úsh adamnyń qazasyna sebep bolǵan jol-kólik oqıǵasyna qatysty sot otyrysy jalǵasyp jatyr.