NVIDIA kompanııasy gýmanoıdty robottar óndirisin qolǵa alyp, sonymen qatar jańa data-ortalyqtar salýdy josparlap otyr. Bul týraly kompanııa bas dırektory Djensen Hýang Reuters agenttigine bergen suhbatynda málimdedi, dep habarlaıdy Egemen.kz.
D. Hýangtyń aıtýynsha, robototehnıka salasyn damytý úshin NVIDIA Ońtústik Koreıanyń LG Group kompanııasymen strategııalyq seriktestik ornatady. Eki tarap qozǵaltqysh tehnologııalary men mehanıkalyq júıeler baǵytynda birlesip jumys istemek.
«Biz gýmanoıdty robototehnıka men robottardyń bolashaǵyn bir arnaǵa biriktirgimiz keledi. Qazir LG Group-pen qozǵaltqysh júıeleri jáne mehanıkalyq sheshimder boıynsha jumys istep jatyrmyz», dedi ol LG Group tóraǵasy Ký Kvan Momen kezdesýden keıin.
Sonymen qatar NVIDIA LG-men birge derekter ortalyqtaryn damytý jobasyna da qatysady.
Gýmanoıdty robottar – adamǵa syrtqy kelbeti men qozǵalysy jaǵynan uqsas antropomorfty mashınalar. Olar bolashaqta óndiris oryndarynda da, turmystyq salada da keńinen qoldanylýy múmkin.
Kenııada estý qabileti buzylǵan balalarǵa sabaq túsindiretin robot jasaldyAıta keteıik, buǵan deıin Ilon Mask ta adam tárizdi robottar jasaý josparyn jarııalap, kelesi jyldary olardy jappaı naryqqa shyǵarýdy kózdeıtinin aıtqan edi.
Adamǵa uqsas robottardy damytý: Ońtústik Koreıa aýqymdy jobany iske qosty