Elimizde jolaýshylar tasymaldaıtyn kólikterdiń tehnıkalyq jaǵdaıy tekserilip, balalardy tasymaldaýmen aınalysatyn júrgizýshiler men lagerlerge baqylaý kúsheıtiledi, dep habarlaıdy Egemen.kz.
Maýsym aıy boıy elimizde «Avtobýs» jedel-profılaktıkalyq is-sharasy ótedi. Is-shara aıasynda polısııa qyzmetkerleri jasóspirimder arasyndaǵy quqyq buzýshylyqtardyń aldyn alý jumystaryn kúsheıtip, balalar lagerleri men jappaı demalys oryndaryndaǵy qaýipsizdik sharalaryn tekseredi. Sonymen qatar túngi ýaqytta eresekterdiń qaraýynsyz kóshede júrgen kámeletke tolmaǵandardy anyqtaý boıynsha reıdter jalǵasady.
Ishki ister mınıstrliginiń málimetinshe, bul sharalar quqyq buzýshylyqtardyń aldyn alýǵa jáne balalardyń jazǵy demalysyn qaýipsiz uıymdastyrýǵa baǵyttalǵan.
«Balalar lagerleri qosymsha bilim berý nysandary qataryna engizildi. Olar terrorızm turǵysynan osal nysandar sanatyna jatqyzyldy. Ákimdikter olardy qysqa merzim ishinde aýmaqtyq tizimderge engizýi qajet. Osyǵan sáıkes, IIM lager qyzmetkerlerin tekserip, balalar tasymalynyń qaýipsiz bolýyn qamtamasyz etedi», dedi Ishki ister mınıstri Erjan Sádenov.
Qazaqstanda balalardyń qaýipsizdigine 1,3 trln teńge jumsalady
Eske sala keteıik, buǵan deıin Oqý-aǵartý mınıstri Juldyz Súleımenova jazǵy demalysta balalarǵa arnalǵan 11 myńnan asa ortalyq jumys isteıtinin málimdegen bolatyn.