Almaty qalasynyń Medeý aýdanyndaǵy Myńjylqy shatqalynda, teńiz deńgeıinen 3020 metr bıiktikte ornalasqan Malysh shyńynan túsý kezinde týrıstik toptyń 2007 jyly týǵan músheleriniń biri jartastan qulap, jaraqat aldy, dep habarlaıdy Egemen.kz
Oqıǵa ornyna jetken TJM qyzmetkerleri zardap shekken azamatty jedel taýyp, oǵan alǵashqy kómek kórsetip, evakýasııalaýǵa kiristi. Qaýipsiz jerge jetkizilgennen keıin týrıst TJM Apattar medısınasy ortalyǵynyń brıgadasyna tapsyryldy.
Týrıstik toptyń taǵy úsh múshesi qutqarýshylardyń súıemeldeýimen qaýipsiz jerge jetkizildi. Olarǵa medısınalyq kómek qajet bolǵan joq.