Qaraǵandy oblysynyń Dolınka kentinde Zavodskoı kóshesinde jas balany toq soǵyp, ol jansaqtaý bólimine túsken, dep habarlaıdy Egemen.kz.
Bala elektr jelisiniń baǵanyna órmelep shyqqan. Ony toq soǵyp, bıikten qulap ketken. Denesi qatty kúıgen jáne qulaǵan kezde aýyr jaraqat alǵan. Bala aýyr halde jansaqtaý bóliminde jatyr.
Qaraǵandyda shatyrdan kirpish qulap, 3 jastaǵy bala zardap shekti
«Qylmystyq quqyqbuzýshylyq belgilerin anyqtaý úshin materıaldar Atomdyq jáne energetıkalyq qadaǵalaý men baqylaý komıtetiniń Qaraǵandy oblysy boıynsha aýmaqtyq departamentine joldandy», dep habarlady Qaraǵandy oblystyq polısııa departamentiniń baspasóz qyzmeti.
Tekserý júrgizilip jatyr. Nátıjesi boıynsha oqıǵaǵa quqyqtyq baǵa beriledi.
Buǵan deıin Temirtaýda 3 balany toq soǵyp, qylmystyq is qozǵalǵany týraly habarlaǵan edik.